தமிழ் சினிமாவின் டபுள் கோடீஸ்வரிகள் யார்னு தெரியுமா...??

2 கோடி நயனதாரா

நயனதாராவுக்கு தமிழில் சுத்தமாக மார்க்கெட் இல்லை என்பதுதான் நிதர்சனம். ஆனால் கிராக்கிக்கு சற்றும் குறைவில்லையாம். இவர்தான் தமிழில் இப்போது அதிக சம்பளம் வாங்கும் நடிகையாம். அதாவது 2 கோடிக்கு இவரை லேட்டஸ்டாக உதயநிதிஸ்டாலின் நடிக்கும் கதிர்வேலன் காதலி படத்திற்கு புக் செய்தனராம்.

ஒன்றரை அனுஷ்கா

ரெண்டு படம் தமிழுக்கு வந்தவரான அனுஷ்கா 2வது இடத்தில் இருக்கிறார். இவரது சம்பளம் ஒன்றரை கோடியாம்.

நேற்று வந்த காஜலுக்கு ஒரு கோடியா...!

கடைசியாக நடித்த துப்பாக்கி படத்திற்கு ரூ. 70 லட்சம் வாங்கியவரான காஜல் அகர்வால், இப்போது ஒரு கோடி தாங்கோ என்று குரலை உசத்திக் கேட்கிறாராம். தெலுங்கில் மட்டும் நீக்குப் போக்காக நடந்து கொள்கிறாராம்.

கோடிக்குக் கீழே திரிஷா

ரொம்ப வருஷமாக பீல்டில் இருந்தாலும் திரிஷாவின் சம்பளம் கோடிகளை எட்டவில்லையாம். மார்க்கெட் நிலையாக இல்லாததும் இதற்கு ஒரு காரணம் என்கிறார்கள். கடைசியாக இவர் சமர் படத்துக்கு வாங்கிய சம்பளம் ரூ. 60 லட்சம் மட்டும்தான்.

கமல் மகளுக்கு ஒரு கோடி

கமல்ஹாசனின் மகளான ஸ்ருதி ஹாசன் தற்போது ரூ. 1 கோடி வரை சம்பளம் கேட்பதாக தெரிகிறது. தெலுங்கில் ஓடிய கப்பார் சிங் ஹிட்டடித்ததால் இந்த சம்பள உயர்வாம்.

ஒன்றுமே இல்லாத தமன்னாவுக்கு 70 லட்சம்

தமிழில் சுத்தமாக மார்க்கெட் இல்லை என்ற நிலையில் இருந்தாலும் கூட தமன்னாவின் சம்பளம் சற்றும் குறைந்தது போலத் தெரியவில்லை. அவர் கடைசியாக அஜீத் படத்திற்காக ரூ. 70 லட்சம் கேட்டாராம்