ரசிகர்களை வசப்படுத்தும் கீர்த்தி ஷெட்டி.. இவருக்கு யார்மேல க்ரஷ் தெரியுமா?

நடிகை கிருத்தி ஷெட்டி

நடிகை கிருத்தி ஷெட்டி தெலுங்குப்படங்களில் அறிமுகமாகி குறுகிய காலகட்டத்திலேயே நானி உள்ளிட்டவர்களுடன் ஜோடி சேர்ந்து நடித்து முடித்து விட்டார். தெலுங்கில் விஜய் சேதுபதி வில்லனாக நடித்து வெளியான உப்பென்னா படத்தில் இவர் நடித்திருந்த கேரக்டர் அனைவரையும் கவரும் வகையில் அமைந்திருந்தது.

அடுத்தடுத்த படங்கள்

இந்நிலையில் தமிழிலும் அடுத்தடுத்து முக்கியமான படங்களில் நடித்து வருகிறார். சூர்யா -பாலா கூட்டடணியில் சூர்யா 41 படத்திலும், வெங்கட் பிரபு இயக்கத்தில் நாக சைத்தன்யாவுடன் ஒரு படத்திலும் தற்போது நடித்து வருகிறார். இதனிடையே வரும் 14ம் தேதி லிங்குசாமி இயக்கத்தில் ராம் பொத்தனேனியுடன் ஜோடி சேர்ந்து இவர் நடித்துள்ள படம் வெளியாக உள்ளது.

வரவேற்பை பெற்ற புல்லட் பாடல்

இதனிடையே இந்தப் படத்தின் புல்லட் பாடல் வெளியாகி சிறப்பான வரவேற்பை பெற்றுள்ளது. பாடலில் கிருத்தி ஷெட்டியின் நடன அசைவுகள் முக்கியமாக ரசிகர்களை வெகுவாக கவர்ந்துள்ளது. இந்தப் படம் லிங்குசாமிக்கும் முக்கியமான படமாக அமைந்துள்ளது. இந்நிலையில் தமிழில் கிருத்திக்கு சிறப்பான அறிமுகத்தை கொடுக்குமா என்பதை பொருத்திருந்துதான் பார்க்க வேண்டும்.

கிருத்தியின் க்ரஷ்

தற்போது 18 வயதேயான கிருத்தி ஷெட்டி, தன்னுடைய சிறப்பான படங்கள் மூலம் ஏராளமான ரசிகர்களை பெற்றுள்ளார். ஆனால் அவருடைய க்ரஷ் யார் தெரியுமா. டான், டாக்டர் என அடுத்தடுத்த வெற்றிப் படங்களை கொடுத்துள்ள சிவகார்த்திகேயனுடன் இணைந்து நடிக்க வேண்டும் என்று தற்போது கிருத்தி ஷெட்டி விருப்பம் தெரிவித்துள்ளார்.

விரைவில் நிறைவேறும் ஆசை

இந்நிலையில் இவரது ஆசை விரைவில் நிறைவேறவுள்ளதாக தகவல்கள் வெளியாகியுள்ளது. மண்டேலா படத்தின் இயக்குநர் அஸ்வினுடன் சிவகார்த்திகேயன் இணையவுள்ள அடுத்தப்படத்தில் கிருத்தி ஷெட்டிதான் ஹீரோயின் என்று தகவல்கள் தெரிவிக்கின்றன. கமல் தயாரிப்பில் சிவகார்த்திகேயன் நடிக்கவுள்ள மாவீரன் படத்திற்கு பிறகு இந்தப் படத்தில் அவர் நடிக்கவுள்ளார்.

தமிழில் அறிமுகம்

கிருத்தி ஷெட்டி தெலுங்கில் குறுகிய காலத்திலேயே சிறப்பான நாயகியாக மாறினார். இதையடுத்து இவரை யார் தமிழில் அறிமுகப்படுத்துவார்கள் என்ற கேள்வி ரசிகர்களிடையே ஏற்பட்டது. சூர்யாவின் படத்தில்தான் இவர் முதலில் கமிட்டானார். ஆனால் லிங்குசாமியின் இருமொழிப்படம் தமிழில் வெளியாகவுள்ள நிலையில், அந்தப் படம் இவரது முதல் படமாக மாறியுள்ளது.