இரட்டை கொண்டாட்டத்தில் நடிகை லட்சுமி மேனன்– ரசிகர்களுக்கும் “டபுள் டிரீட்”!

வருத்தம் கொடுத்த படம்:

லட்சுமி மேனன் நடிப்பில் வெளியான "நான் சிகப்பு மனிதன்" எதிர்பார்த்த அளவிற்கு அவருக்கு வெற்றியைத் தரவில்லை. இதில் கொஞ்சம் அப்செட்டாகத்தான் இருந்தார் லட்சுமி.

வரவேற்பை பெற்ற மஞ்சப்பை:

ஆனால், அதற்கு அடுத்ததாக விமலுடன் அவர் நடித்த "மஞ்சப்பை" திரைப்படம் அமிதாப்பின் நடிப்பில் இந்தியில் ரீமேக் ஆகும் அளவிற்கு பலத்த வரவேற்பைப் பெற்றது.

வசூல் மழையில் “ஜிகர்தண்டா”:

மஞ்சப்பை படத்தைத் தொடர்ந்து லட்சுமி மேனன் நடித்த திரைப்படம் "ஜிகர்தண்டா". கடந்த ஆகஸ்டு 1 ஆம் தேதி அன்று வெளியான இப்படம் முதல் மூன்று நாட்களிலேயே ரூபாய் 7 கோடி வரை கல்லா கட்டி வசூலைக் குவித்துக் கொண்டிருக்கின்றது.

மலையாளத்தில் ”அவதாரம்”:

அதே நாளில் மலையாளத்தில் திலீப்புடன், லட்சுமி மேனன் நடித்து வெளியான படம்தான் "அவதாரம்". இப்படத்தில் மணிமேகலா என்ற கதாபாத்திரத்தில் நடித்திருக்கின்றார் லட்சுமி மேனன்.

தாய் மண்ணில் திறமை:

என்னதான் தமிழ்நாட்டில் அனைத்து படங்களும் நல்ல வரவேற்பை பெற்றாலும், தன்னுடைய தாய் மண்ணில் இருந்து ஒரு ஹிட் கூட கொடுக்க முடியாமல் வருத்தத்தில் இருந்து வந்தார்.

ரசிகர்களுக்கும் “டபுள் டிரீட்”:

இந்நிலையில் அவதாரம் படமும் நல்ல வரவேற்பை பெற்றுள்ள காரணத்தினால் டபுள் சந்தோஷத்தில் இருக்கின்றாராம் லட்சுமி மேனன். ரசிகர்களும் டபுள் டிரீட் சந்தோஷத்தில் இருக்கிறார்கள்.