Click it and Unblock the Notifications
மீண்டும் மலையாளத்தில் லட்சுமி மேனன்!
தமிழில் முன்னணி நடிகையாகத் திகழும் லட்சுமி மேனன், மீண்டும் தன் தாய்மொழியான மலையாளத்திலும் நடிக்க ஆரம்பித்துள்ளார்.
லட்சுமி மேனன் முதலில் அறிமுகமானது மலையாளத்தில்தான். வினயன் இயக்கிய ரகுவின்டே ஸ்வாந்தம் ரஸியா படம்தான் அவர் நடித்த முதல் படம்.
ஆனால் தமிழில் சுந்தர பாண்டியன், கும்கி படங்கள்தான் அவருக்கு பெரிய புகழைப் பெற்றுத் தந்தன.
இதுவரை அவர் நான்கு தமிழ்ப் படங்கள் நடித்துள்ளார். நான்குமே பெரிய வெற்றிப்படங்கள் என்பதால், நல்ல சம்பளம்.. கை நிறைய வாய்ப்புகள் என தமிழில் அவர் ஏக பிஸி. மஞ்சப் பை, சிப்பாய், நான் சிவப்பு மனிதன், ஜிகிர்தண்டா, வசந்தகுமாரன் போன்ற படங்களில் அவர் நடித்து வருகிறார்.
இந்த நிலையில் மீண்டும் அவருக்கு தன் தாய்மொழியில் நடிக்கும் ஆர்வம் வந்துவிட்டதாம்.
ஜோஷி இயக்கும் புதிய படத்தில் திலீப்புக்கு ஜோடியாக நடிக்கிறார் லட்சுமி மேனன். தமிழில் வெற்றிப் பட நாயகி என்ற பெயர் இருந்தாலும், மலையாளத்தில் சொல்லிக் கொள்கிற மாதிரி படங்கள் இல்லாததால், இந்த வாய்ப்பை ஏற்றாராம் லட்சுமி மேனன்.
Continue with Google