'ராய் லட்சுமி’ ஆனார் லட்சுமி ராய்!

பெற்றோர் வைத்த பெயர்...

பெற்றோர் எனக்கு லட்சுமி என பெயர் வைத்தனர். அந்த பெயரை வைத்து யாரும் என்னை அழைப்பது இல்லை.

ராய்...

சிலர் ‘ராய்' என்று கூப்பிட்டனர். இன்னும் சிலர் லட்சிராய் என்றார்கள். வீட்டில் கூட என்னை ராய் என்றே அழைத்தார்கள். பிறகு சினிமாவிலும் லட்சுமிராய் என்றே அழைக்கப்பட்டேன்.

பெயர் மாற்றம்...

இந்த பெயரை மாற்ற வேண்டும் என்று நீண்ட நாட்களாக யோசித்து வந்தேன். இப்போது நடந்துள்ளது.

ராய் லட்சுமி....

புதிய பெயரை வைத்துக் கொள்ளவில்லை. ஏற்கனவே இருந்த லட்சுமி ராய் என்ற பெயரைதான் ராய் லட்சுமி என்று ஆக்கி உள்ளேன்.

கூடுதலாக ஒரு ‘ஏ’...

ராய் என்பதில் கூடுதலாக ஒரு ஆங்கில ‘ஏ' எழுத்தை சேர்த்து இருக்கிறேன். இனி வரும் படங்களில் என் பெய்ரை இவ்வாறே போடுமாறு படக்குழுவினரிடம் தெரிவித்துள்ளேன்' என இவ்வாறு அவர் கூறியுள்ளார்.

நடித்து வரும் படங்கள்...

லட்சுமிராய் அரண்மனை, இரும்புக்குதிரை படங்களில் நடித்து கொண்டு இருக்கிறார். கன்னட, மலையாள படங்களும் இவர் கைவசம் உள்ளது குறிப்பிடத்தக்கது.

பெயர் மாற்றத்திற்கான காரணம்...

இந்தப் பெயர் மாற்றத்திற்கான காரணமாக அவரது நெருங்கிய நண்பர்கள் கூறுகையில், ‘சமீபகாலமாக அதிரடி ஆக்‌ஷன் படங்களில் நடித்து வருகிறார் லட்சுமி ராய். ஆனால் அவரது பெயரை உச்சரிக்கும் போது அது மென்மையாக இருப்பது போன்ற உணர்வு ஏற்படுகிறது. ராய் லட்சுமி என மாற்றி உச்சரிக்கும் போது கம்பீரமாக இருப்பதாக அவர் உணர்கிறார்' எனத் தெரிவித்துள்ளனர்.