லீனா மரியா பால் நடித்த மலையாளப் படங்கள்

ரெட் சில்லிஸ்

மோகன்லால் ஹீரோவாக நடித்த படம் ரெட் சில்லிஸ். த்ரில்லர் படமான இது பெரிய அளவில் போகவில்லை. மோகன்லாலுக்கு ஜோடியாக நடித்த பெருமை மட்டும்தான் லீனா மரியாவுக்கு மிஞ்சியது.

கோப்ரா

இந்தப் படத்தில் ஹீரோ மம்முட்டி. லால் இயக்கிய இந்தப் படத்தில் லீனாவும் ஒரு நாயகியாக நடித்தார். ஆனால் மம்முட்டிக்கு ஜோடியாக நடிக்கவில்லை. லாலுக்கு ஜோடி அவர். இந்தப் படமும் சராசரியாகவே அமைந்தது.

ஹஸ்பன்ட்ஸ் இன் கோவா

மனைவிகளிடமிருந்து தப்பித்து கோவாவுக்கு டூர் போகும் மூன்று கணவர்களின் அனுபவம் இந்தக் கதை. இந்தக் கணவர்களில் ஒருவரைக் காதலிப்பவராக வருவார் லீனா மரியா. இந்தப் படமும் பெரிதாகப் போகவில்லை.

மெட்ராஸ் கபே

லீனா நடித்த முதல் இந்திப் படம் இது. ஜான் ஆபிரகாம் ஹீரோ. இன்னும் வெளிவராத இந்தப் படத்தை ஷூத் சர்க்கார் இயக்கியிருந்தார். வரும் ஆகஸ்டில் இந்தப் படம் ரிலீசாகிறது.

அதற்குள் லீனாவும் ரிலீசாகிவிடமாட்டாரா என்ன!