கொரோனா மிரட்டி விரட்டினாலும் தோழிகளுடன் ஜாலி ட்ரிப்.. அமெரிக்கா சென்றுள்ள பிரபல ஹீரோயின் அதகளம்!

கொரோனா தீவிரம்

இவர், தமிழில், விஷால் நடித்த சிவப்பதிகாரம், ரஜினி நடித்த குசேலன், மாதவன் நடித்த குரு என் ஆளு, அருண் விஜய்யின், தடையறத் தாக்க உட்பட சில படங்களில் நடித்துள்ளார். மலையாளத்தில் பல படங்களில் நடித்துள்ளார். தமிழில், வில்லு படத்தில் இடம்பெற்ற டாடி மம்மி வீட்டில் இல்லை என்பது உட்பட பல பாடல்களையும் பாடி இருக்கிறார். மியூசிக் வீடியோ ஒன்றில் நடிப்பதற்காக இவர், துபாய் சென்றிருந்தபோதுதான் கொரோனா தீவிரம் அடைந்தது.

லாஸ் ஏஞ்சல்ஸ்

இதனால், அங்கிருந்து அவசரமாகக் கொச்சி திரும்பினார் நடிகை மம்தா. அங்கு தனது வீட்டில் 14 நாட்கள் தனிமைப்படுத்திக் கொண்டார். இதுபற்றி அப்போது தனது சமூக வலைதளத்தில் தெரிவித்திருந்தார். இந்நிலையில் அமெரிக்காவின் லாஸ் ஏஞ்சல்ஸுக்குச் சென்றுள்ள அவர், கேன்சரால் பாதிக்கப்பட்டவர். கேன்சருக்கு அமெரிக்காவில்தான் சிகிச்சை பெற்று குணமானார்.

அனைவருக்கும் நன்றி

இதையடுத்து அங்கேயே வசித்து வருகிறார். படப்பிடிப்பு என்றால் மட்டுமே இந்தியா வந்து செல்கிறார். அமெரிக்காவின் லாஸ் ஏஞ்சல்ஸுக்கு கடந்த மாத தொடக்கத்தில் மீண்டும் திரும்பிய அவர், 'அதிகாரபூர்வமாக லாஸ் ஏஞ்சல்ஸுக்கு வந்திருக்கிறேன். எனது பயணம் ஒரு பெரிய கதை. அதை பிறகு சொல்கிறேன். நான் திரும்பி இங்கு வருவதற்கு உதவிய அனைவருக்கும் நன்றி' என்று கூறியிருந்தார்.

சூடாக இருக்கிறதா?

இந்நிலையில், அவர் அங்கு தோழிகளுடன் ஜாலி ட்ரிப் சென்றுள்ளார். இது தொடர்பான சில புகைப்படங்களை இப்போது தனது சமூக வலைதளப் பக்கத்தில் பதிவிட்டுள்ளார். இந்த புகைப்படங்கள் சமூக வலைதளங்களில் வைரலாகி வருகின்றன. வெயிலில் நின்று எடுத்துள்ள ஒரு போட்டோவுக்கு கேப்ஷனாக, இது சூடாக இருக்கிறதா, இல்லை நான் ஹாட்டாக இருக்கிறேனா? என்று கேட்டுள்ளார். இதற்கு பலர் நீங்கள்தான் என்று கூறியுள்ளனர். இந்த புகைப்படங்கள் வைரலாகி வருகிறது.