Click it and Unblock the Notifications
Youth: எத்தனை காதலிகள் வந்தாலும் நான் தான்.. கென் கருணாஸ் குறித்து எமோஷனல் போஸ்ட் போட்ட நடிகை!
சென்னை: கென் கருணாஸ் இயக்கி நடித்துள்ள படம் யூத். படம் மார்ச் 19ஆம் தேதி வெளியாகி ரசிகர்கள் மத்தியில் நல்ல வரவேற்பைப் பெற்றுள்ளது. இது மட்டுமல்லாமல் பாக்ஸ் ஆபீஸிலும் ஓபனிங் நாளில் நல்ல வரவேற்பைப் பெற்றுள்ளது. இப்படி இருக்கும்போது யூத் படத்தில் நடித்த நடிகை மீனாட்சி தினேஷ் தனது இன்ஸ்டாகிராம் பக்கத்தில் மிகவும் எமோஷனலான போஸ்ட் ஒன்றை போட்டுள்ளார். குறிப்பாக கென் கருணாஸ் குறித்து அவர் போட்டுள்ள போஸ்ட் பலரது கவனத்தை ஈர்த்துள்ளது.
அவரது இன்ஸ்டாகிராம் பக்கத்தில், " இன்று நான் பதிவிடுவது வெறும் படத்தை பற்றியது மட்டுமல்ல... எனக்கு மிகவும் முக்கியமான ஒருவர், தனக்குத் தகுதியான அனைத்தையும் போராடிப் பெறுபவரைப் பற்றியது. கென் நீங்கள் முதன்முதலில் என்னைத் தொடர்பு கொண்ட நாளிலிருந்து, இந்தப் பயணம் என் வாழ்க்கையின் இவ்வளவு பெரிய பகுதியாக மாறும் என்றோ... நீங்கள் என் வாழ்வில் மிகவும் முக்கியமான ஒரு அங்கம் ஆகிவிடுவீர்கள் என்றோ நான் நினைக்கவே இல்லை.
கென் உங்கள் போராட்டங்களையும், உங்கள் அர்ப்பணிப்பையும், உங்கள் தூக்கமில்லாத இரவுகளையும், நீங்கள் மன ரீதியாக எவ்வளவு சவால்களை எதிர் கொண்டீர்கள் என்பதையும் நான் பார்த்திருக்கிறேன். மேலும், மிகவும் சவாலான நேரங்களில், உங்கள் நம்பிக்கையையும் நான் கண்டிருக்கிறேன். இன்று, இந்தப் படத்தின் இயக்குநராகவும் கதாநாயகனாகவும் நீங்கள் ஜொலிப்பதை பார்க்கும் போது, உண்மையாகவே என் கண்களில் கண்ணீர் வருகிறது. நான் எப்போதும் நம்பிய நட்சத்திரமாக, ஒருநாள் இந்த உலகம் உங்களைப் பார்க்கும் என்று எனக்கு எப்போதுமே தெரியும்.
காலத்துக்கும் நீங்க தான் துணை: ஆனால் இவை எல்லாவற்றையும் விட, வெற்றி, விமர்சனங்கள், கொண்டாட்டம் ஆகியவற்றைக் கடந்து, நீங்கள் வெறும் என் இயக்குநர் மட்டுமல்ல, இந்தப் படத்தின் கதாநாயகன் மட்டுமல்ல, நீங்கள் என் சிறந்த நண்பர், எனக்கு காலத்திற்கும் நிலைத்திருக்கும் துணை, என் வாழ்வில் மிகவும் வலிமையான மற்றும் ஈடு செய்ய முடியாத ஒரு பகுதியாகிவிட்டீர்கள் கென்.
தகுதியானவள்: யூத் படம் எனக்கு மிகவும் சிறப்பானது, ஏனென்றால் நீங்கள் இதை நம் அனைவருக்குமானதாக மாற்றிவிட்டீர்கள். என் மீது நம்பிக்கை வைத்ததற்கு, என்னை இந்த படத்தில் நடிக்க வைத்ததற்கு, நான் உண்மையிலேயே இதற்கு உரியவள் என்று உணர வைத்ததற்கு நன்றி.
முக்கியமானவர்: கென் உங்கள் வெற்றி என்னிடமிருந்து தனிப்பட்டது என்று நான் நினைக்கவில்லை. அது என்னுடைய வெற்றியும் கூடத்தான், ஏனென்றால் நீங்கள் எனக்கு அந்த அளவுக்கு முக்கியமானவர். உங்கள் மகிழ்ச்சி, உங்கள் வளர்ச்சி, உங்கள் கனவுகள், இவையெல்லாம் நான் விவரிக்க முடியாத அளவுக்கு எனக்கு முக்கியமானவை. உன் வாழ்வில் எத்தனை சோனல்களும் கனகவல்லிகளும் வந்தாலும், நான் எப்போதும் பிரவீனுக்கு பிரேஷிகாவாகவே இருப்பேன்" என்று பதிவிட்டுள்ளார். அவரது இந்த போஸ்ட் ரசிகர்கள் பலரது கவனத்தை ஈர்த்துள்ளது.
Continue with Google