நடிகை மீரா ஜாஸ்மின் 2 நாளைக்கு முன் பதிவு திருமணம்! துபாய் இஞ்ஜினியரை மணந்தார்!

மாண்டலின் ராஜேசுடன்...

மீராஜாஸ்மினுக்கும், மாண்டலின் இசைக்கலைஞர் ராஜேசுக்கும் இடையே காதல் என்று கிசுகிசுக்கள் வெளியானது. இருவரும் திருமணம் செய்து கொள்ளப்போவதாகவும் செய்திகள் வெளியானது. துபாய் இஞ்ஜினியர்.

இந்த நிலையில் மீரா ஜாஸ்மின் துபாயில் என்ஜினீயராக பணிபுரியும் அனில் ஜான் டைட்டஸ் என்பவரை நாளை (12ம் தேதி) திருமணம் செய்து கொள்ளப்போவதாக அறிவித்தார். இது பெற்றோர் ஏற்பாடு செய்த திருமணம் என்றும் கூறினார்.

ரகசிய பதிவு திருமணம்

கோவிலில் திருமணம் நடக்கும் முன்பே ஞாயிறன்று இரவு கொச்சியில் உள்ள மீராஜாஸ்மின் வீட்டில் அவருக்கும், அனில் ஜான் டைட்டசுக்கும் திடீரென ரகசிய பதிவு திருமணம் நடந்தது. இதற்காக சார்பதிவாளர் அவரது வீட்டுக்கே சென்று திருமணத்தை சட்டப்படி பதிவு செய்தார்.

நெருங்கிய உறவுகள்

இதற்காக கொண்டு வந்த புத்தகத்தில் மீரா ஜாஸ்மினும், அனில் ஜான் டைட்டசும் கையெழுத்திட்டனர். பின்னர் இருவரும் மாலை மாற்றி திருமணம் செய்து கொண்டனர். நிகழ்ச்சியில் இரு வீட்டைச் சேர்ந்த நெருங்கிய உறவினர்கள் மட்டும் கலந்து கொண்டனர்.

பிப்ரவரி 12ல் மீண்டும் திருமணம்

அனில் ஜான் டைட்டஸ்-மீராஜாஸ்மின் இருவரும் ரகசிய பதிவு திருமணம் செய்து கொண்டாலும் ஏற்கனவே அறிவித்தபடி இவர்களின் திருமணம் திருவனந்தபுரம் பாளையத்தில் உள்ள எல்.எம்.எஸ். ஆலயத்தில் நாளை (12-ந் தேதி) காலை 11 மணிக்கு நடக்கும் என அவர்களின் நெருங்கிய உறவினர்கள் தெரிவித்தனர். அதன்பிறகு ஒரு மணிக்கு வரவேற்பு நிகழ்ச்சியும் நடைபெறும் என அறிவிக்கப்பட்டுள்ளது.

சினிமாவில் நடிப்பார்

மீராஜாஸ்மினை திருமணம் செய்து கொண்ட அனில் ஜான் டைட்டஸ் திருவனந்தபுரத்தைச் சேர்ந்தவர். இவரது பெற்றோர் டைட்டஸ் - சுகுதகுமாரி.அனில் ஜான் டைட்டஸ் சென்னை ஐ.ஐ.டி.யில் பி.டெக். படித்தவர். தற்போது துபாயில் சாப்ட்வேர் என்ஜினீயராக பணிபுரிந்து வருகிறார். திருமணத்துக்கு பிறகும் மீராஜாஸ்மின் சினிமாவில் தொடர்ந்து நடிப்பார் என்று கூறப்படுகிறது.