நடிப்பில் செஞ்சுரி போட விரும்பும் 'மெர்சல்' நடிகை!

மெர்சல் நாயகி :

'விவேகம்' படத்தில் அஜித்தின் ஜோடியாக நடித்ததைத் தொடர்ந்து தமிழில் அடுத்து விஜய்யுடன் 'மெர்சல்' படத்தில் நாயகியாக நடித்து வருகிறார். தனக்கு நல்ல நடிகை எனப் பெயர் வாங்கித்தரும் என இந்தப் படத்தையும் மிகவும் எதிர்பார்க்கிறார் காஜல்.

தெலுங்கு :

அடுத்து தெலுங்கில் 'எம்எல்ஏ' படத்தில் நாயகியாக நடித்து வருகிறார். தெலுங்கில் முன்னணி நாயகியாகத் தொடர்ந்து நடித்துக் கொண்டிருந்தாலும், 'ராஜு காரி காதி 2' படத்தில் சிறப்புத் தோற்றத்திலும் நடிக்கிறார்.

செஞ்சுரி ஆசை :

இதுவரை 50 படங்களுக்கும் மேல் நடித்திருக்கும் காஜல் அகர்வால் இன்னும் 50 படங்களில் நடித்து செஞ்சுரி போடவேண்டும் என்ற தனது ஆசையை சமீபத்தில் தெரிவித்திருக்கிறார்.

டான்ஸ் குயின் :

கிளாமரான தோற்றத்தில் மட்டுமல்லாமல், நன்றாக நடிக்கவும், நடனமாடவும் தெரிந்த காஜல் அகர்வால், வாய்ப்புகள் கிடைத்தால் இன்னும் ஐந்து வருடங்கள் கூடத் திரையுலகில் தாக்குப் பிடித்து இருக்கலாம்.

வாய்ப்பு கிடைக்குமா :

தற்போதைய முன்னணி ஹீரோக்கள் படத்திற்குப் படம் புதிய ஹீரோயின்களுடன் நடிப்பதை அதிகம் விரும்புவதால் அந்த வாய்ப்புகள் காஜலுக்கு கிடைக்குமா என்பதும் சந்தேகம்தான். இருந்தாலும் 100 படங்களில் நடித்து முடிக்கும் ஆசையில் நம்பிக்கையுடன் இருக்கிறார் காஜல் அகர்வால்.