தலைதூக்கும் ஹீரோயின்கள் ஆதிக்கம்… ஹீரோக்கள் கலக்கம்?

நயன்தாரா

இந்த ட்ரெண்டை தொடங்கி வைத்தவர் லேடி சூப்பர் ஸ்டார் நயன். இவர் லீட் ரோலில் நடித்த மாயா படம் ஹிட் ஆனதால் இப்போது கையில் நான்கு லீட் ரோல் படங்கள். இந்த நான்கிலுமே நயன் தாராவுக்கு ஜோடியே கிடையாது.

த்ரிஷா

நாயகி மூலம் லீட் ரோலுக்கு ஸ்டெப் எடுத்து வைத்தவர் அது ஓடாததால் யோசித்தார். ஆனாலும் சதுரங்க வேட்டை 2 படத்தில் அரவிந்த்சாமிக்கு இணையான ரோல். அது மட்டுமல்லாமல் மோகினி மற்றும் இன்னொரு பெயரிடப்படாத படத்திலும் லீட் ரோலில் நடித்து வருகிறார்.

ஜோதிகா

நயனுக்கு முன்பே 36 வயதினிலே மூலம் ஹீரோயின் ஓரியண்டட் படங்களுக்கு மீண்டும் பிள்ளையார் சுழி போட்டார் ஜோதிகா. மகளிர் மட்டும் படத்தில் பிரம்மா இயக்கத்தில் நடிப்பவர் அடுத்தும் ஒரு லீட் ரோலுக்கு தயாராகி விட்டார்.

ராதிகா ஆப்தே

கபாலிக்கு பிறகு படங்கள் ஒப்புக்கொள்ளாமல் இருந்த ராதிகா ஆப்தே இப்போது மிஷ்கினின் உதவியாளர் ஆதித்யா இயக்கும் ஒரு படத்தில் லீட் ரோலில் நடிக்க ஓகே சொல்லியிருக்கிறார்.

ஸ்ரேயா

சில காலமாக பட வாய்ப்பில்லாமல் சும்மா இருந்த ஸ்ரேயாவிடம் லீட் ரோலில் நடிக்க கதை சொல்லி ஓகே வாங்கியிருக்கிறார் மித்ரன் ஜவஹர்.
இந்த படங்களில் பாதியாவது ஓடினால் ன் ஹீரோயின்களின் தனி ஆவர்த்தனம் தொடரும்... அது ரசிகர்கள் கைகளில் இருக்கிறது.