அமெரிக்க நாயர்!
ஆரம்பத்தில் தமிழில் ராசியில்லாத நடிகை என்ற பெயரைப் பெற்ற நவ்யா,சிதம்பரத்தில் ஒரு அப்பாசாமிக்குப் பின்னர் காலில் சக்கரம் கட்டாத குறையாகபிசியான நடிகையாகிவிட்டார்.
அதிலும் சேரனுடன் ஜோடி சேர்ந்த பின்னர் அவரது வேகம் படு வேகமாக மாறியது.சேரனுடன் அடுத்தடுத்து 2 படங்களில் நடித்து வரும் நவ்யா, மூன்றாவதாகவும் ஒருபடத்தில் சேரனுடன் ஜோடி போடப் போவதாக செய்திகள் அடிபடுகின்றன.
சேரன் இதை மறுத்து அறிக்கை விட்டார். ஆனால், இந்த விவகாரம் குறித்து நவ்யாஇதுவரை எந்த விளக்கத்தையும் அளிக்கவில்லை என்பது குறிப்பிடத்தக்கது.
இவ்வாறாக சூட்டிங், சர்ச்சை என படு பிசியாக இருக்கும் நவ்யா, படப்பிடிப்புகளுக்குஎல்லாம் சின்னதாக ஒரு பிரேக் விட்டு விட்டு அமெரிக்காவுக்குப் போகிறார்.
நவ்யாவுடன் சேர்ந்து ஆடப் போவது சந்திரமுகியின் காதலன் ரா..ரா.. வினீத். இவர் நடிகைபத்மினியின் சொந்தம் என்பதும் பத்மினி அமெரிக்காவில் பரத நாட்டிய பள்ளி நடத்திவருவதும் குறிப்பிடத்தக்கது.
பத்மினி குடும்பம் தான் இந்த பரதநாட்டிய டூருக்கு ஏற்பாடு செய்துள்ளது. பத்மினியில்ஆரம்பித்து நவ்யா வரை எல்லோருக்கும் சொந்த ஊர் கேரளா என்பது இங்கே குறிப்பிடத்தக்கது.
பிசியான கோலிவுட் வாழ்க்கையிலிருந்து சற்றே விடுபட்டு, புத்துணர்ச்சியுடன்மீண்டும் வேலைக்குத் திரும்பஇது ஒரு நல்ல பிரேக் ஆக அமையும் என்கிறார் நவ்யாபுன்னகையுடன்.
ஆகஸ்ட் 24ம் தேதி அமெரிக்காவுக்கு வண்டி ஏறும் நவ்யா, செப்டம்பர் 12ம் தேதிதான்ஊருக்குத் திரும்புகிறாராம்.
அங்க போய் யாரையும் அடிச்சிடாதீங்க.. புஷ் ரொம்ப கோவக்காரரு..!


Click it and Unblock the Notifications