அடடே.. நயனுக்கு மச்சம் மாறிப் போச்சேய்யா.. கோலிவுட்டை கலக்கும் புதுப் புயல்!

மார்க்கெட் விர்

இதனால் நயன் தாராவின் மார்க்கெட்டும், சம்பளமும் ஏறிக்கொண்டே போனது. அவர் வயது ஏற ஏற செல்வாக்கும், பேமண்டும் உயர்ந்தது. கோலிவுட்டில் நன்கு பரிச்சயமான சிறு ஹிரோக்களும், மலையாளத்தில் மெகா ஹிட்டான ஹீரோக்களுமே வாங்காத சம்பளத்தை நயன் வாங்கினார். இதனால் அவரைப் பார்த்தாலே சினிமா துறையினருக்கு ஒரு பிரமிப்பு ஏற்பட்டது.

இறங்கிருச்சே

ஆனால் கடந்த சில நாட்களாக நயனின் நிலை அப்படியில்லை. டோரா, ஐரா, கொலையுதிர் காலம் என அவரை மையமாக வைத்து வந்த படங்களும், வேலைக்காரன், மிஸ்டர் லோக்கல் என அவர் ஹீரோயினாக இருந்த படங்களும் தோல்வியை தழுவியுள்ளன. இருந்தாலும் இடையில் அஜித்தின் விஸ்வாசம் மட்டும் அவரை காப்பாற்றியுள்ளது. ஆனாலும் அந்த கெத்தை மிஸ்டர் லோக்கல், ஐரா, கொலையுதிர் காலம் ஆகியன முடித்துக் கட்டிவிட்டன.

சம்பளம் குறைந்ததாம்

இந்த தொடர் தோல்வியால் நயனின் மார்க்கெட் சரிந்துள்ளது. அவரை தேடி வரும் கதைகளும், தயாரிப்புகளும் சுணங்க துவங்கியுள்ளன. மேலும், நயனின் சம்பளமும் தானே குறைந்துள்ளதாக தகவல்கள். விஸ்வாசம் தந்த உச்சத்தால் விஜய்யின் பிகில், ரஜினியின் தர்பார் என செம்ம ப்ராஜெக்ட்டுகள் இரண்டில் நயன் இருப்பதால் ஓரளவு காப்பாற்றப்பட்டுள்ளார்.

ரஜினி, விஜய்யை நம்பி

இந்த இரண்டுமே நிச்சயமாக ஹிட்டடிக்கும். அந்த வகையில், முன்னணி இடத்தை தக்க வைப்பதில் நயனுக்கு இன்னும் கொஞ்ச நாளைக்கு பிரச்னை இருக்காது. ஆனால் அவரை மையமாக வைத்து படங்கள் எடுக்க துணிவார்கள் என்பது டவுட்டே. எந்த கோலிவுட் நயனை ‘லேடி சூப்பர் ஸ்டார்' என கொண்டாடியதோ அதே கோலிவுட்டே இப்போது ‘நயனுக்கு மச்சம் மாறிப்போச்சு' என கலாய்க்கிறது.

இதுதானுங்க உலகம்! (இந்நிலையில் இது நாள் வரையில் நயன் தனியாக நடித்துக் கொண்டிருந்த 'த்ரில்லர்' கதைகளில் இப்போது தேசிய விருது பெற்றிருக்கும் கீர்த்தி சுரேஷ் நடிக்க துவங்கியிருக்கிறார் என்பது கொசுறு சேதி)

- ஜி.தாமிரா