நயன்தாரா "மிஸ்"...!

சென்னை: ஜீவா ஜோடியாக நடிக்கும் திருநாள் படத்தில் நயன்தாரா ப்ரீகேஜி டீச்சராக நடிக்கிறாராம்.

நயன்தாராவும், ஜீவாவும் ஏற்கெனவே ‘ஈ' படத்தில் இணைந்து நடித்திருந்தனர். தற்போது, மீண்டும் இவர்கள் இருவரும் திருநாள் என்ற படத்தில் ஜோடி சேர்ந்துள்ளனர். இப்படத்தை பி.எஸ்.ராம்நாத் இயக்குகிறார்.

திருநாள் குறித்து ராம்நாத் கூறுகையில், ‘திருநாள் படத்தில் நயன்தாராவுக்கு ஹோம்லி வேடம். இவர் ஃப்ரி கேஜி டீச்சராக வருகிறார். இந்த கதாபாத்திரம் கோலிவுட் ரசிகர்களுக்கு ரொம்பவும் பிடிக்கும்.

ஜீவா கிராமத்து ரவுடி வேடத்தில் வருகிறார். ஜீவாவுக்கு முந்தைய படங்களைவிட இந்த படம் வித்தியாசமாக இருக்கும். இப்படத்தின் படப்பிடிப்பை கும்பகோணத்தில் இந்த மாதத்தில் தொடங்கவிருக்கிறோம்' என்றார்.