நஸ்ரியாவுக்கு நேரம் சரியில்ல!

நஸ்ரியா நஸீம்... இன்றைய தேதிக்கு தமிழ் சினிமாவில் 'மோஸ்ட் வாண்டட்' நாயகி இவர்தான். சமீபத்தில் இவர் நடித்த நேரம் வெளியாகி நல்ல பெயரைச் சம்பாதித்தது.

இப்போது தனுஷ், ஆர்யா போன்றவர்களுக்கு ஜோடியாக நடித்து வருகிறார்.

ஆனால் எடுத்த எடுப்பிலேயே கால்ஷீட் சொதப்பலில் டிகிரி வாங்கிவிட்டார் அம்மணி. விளைவு தயாரிப்பாளர்கள் புகாருடன் சங்கத்தில் நிற்கிறார்கள்.

நஸ்ரியா நஸீம்

அட்லீ இயக்கத்தில் ஆர்யா - நயன்தாரா நடிக்கும் 'ராஜா ராணி' படத்தில் இரண்டாவது ஹீரோயினாக நடிக்கிரார் நஸ்ரியா. அதேபோல சற்குணம் இயக்கி வரும் 'நய்யாண்டி' படத்தில் தனுஷுக்கு ஜோடியாக இவர்தான் நடிக்கிறார்.

'ராஜா ராணி' படப்பிடிப்பு சென்னையில் நடைபெற்று வருகிறது. 'நையாண்டி' படப்பிடிப்பு கும்பகோணத்தில் நடக்கிறது. ஆனால் இவரோ இரண்டு படங்களுக்கும் ஒரே நேரத்தில் கால்ஷீட் கொடுத்துவிட்டார்.

இதனால் எந்த படப்பிடிப்பிற்கு செல்வது என்ற குழப்பத்தில், இரண்டு படங்களுக்குமே போகாமல் டிமிக்கி கொடுத்துவிட்டாராம்.

அதைவிட கொடுமை, அந்த தேதியில் ஒரு தெலுங்குப் படத்தில் நடிக்கப் போய்விட, இரண்டு படங்களின் ஹீரோக்கள், இயக்குநர்கள் மற்றும் தயாரிப்பாளர்கள் ஏகக் கடுப்புக்குள்ளாகிவிட்டார்களாம்.

இப்போது நஸ்ரியா மீது புகார்க் கடிதம் கொடுத்திருக்கிறார்கள் தயாரிப்பாளர் சங்கத்தில்.