சேலை கட்டும் பெண்ணுக்கொரு வாசம் உண்டு... பொம்மியின் ஹோம்லி லுக் !

கதாநாயகியாகவும் பாடகியாகவும்

மலையாள சினிமாவிலிருந்து சமீபத்திய வரவாக தமிழ் சினிமாவில் கலக்கிக்கொண்டு உள்ளவர் நடிகை அபர்ணா பாலமுரளி. நடிகர் வெற்றியின் 8 தோட்டாக்கள் மூலம் தமிழ் சினிமாவில் கதாநாயகியாக அறிமுகமான இவருக்கு அந்த படம் மிகப்பெரிய வெற்றி படமாக அமைந்தது. மேலும் 8 தோட்டாக்கள் படத்தில் ஒரு பாடலையும் பாடி ஒரேசமயத்தில் கதாநாயகியாகவும் பாடகியாகவும் தமிழ் சினிமாவில் அறிமுகமானார்.

அர்ப்பணிப்பான நடிப்பு

ஜிவி பிரகாஷின் சர்வம் தாளமயம் படத்திலும் கதாநாயகியாக நடித்தவர்பின் ரசிகர்கள் மத்தியில் ஓரளவுக்கு பிரபலமானார். இந்த நிலையில் சுதா கொங்கரா இயக்கத்தில் சூர்யாவின் நடிப்பில் வெளியான சூரரைப் போற்று படத்தில் ஹீரோயினாக நடித்து தமிழ் சினிமா ரசிகர்களின் கனவு கன்னியாக மாறினார். சுதா கொங்கராவின் அசத்தலான இயக்கும் சூர்யாவின் மிரட்டலான நடிப்பு அபர்ணா பாலமுரளியின் அர்ப்பணிப்பான நடிப்பு என இந்த படத்தில் நடித்த அனைவரும் தங்களது மிகச் சிறப்பான நடிப்பை வெளிப்படுத்தி இருப்பார்கள்.

சிறந்த நடிகைகளில் ஒருவராக

சூர்யாவின் கதாபாத்திரத்தை தொடர்ந்து அபர்ணா பாலமுரளி பொம்மி கதாபாத்திரமும் ரசிகர்கள் மத்தியில் அமோக வரவேற்பை பெற்றது. சூரரைப் போற்று வெளியான பிறகு தமிழ் ரசிகர்களின் கனவு கன்னியாக அபர்ணா பாலமுரளி மாறியுள்ளார். சூரரைப் போற்று படத்தின் வெற்றி அபர்ணா பாலமுரளியை தமிழ் சினிமாவில் மிகச் சிறந்த நடிகைகளில் ஒருவராக ஆட்கொண்டுள்ளது.

அசோக் செல்வன் ஜோடியாக

மலையாளத்தில் அடுத்தடுத்த படங்களில் ஒப்பந்தமாகி நடித்து வரும் அபர்ணா பாலமுரளி தமிழில் இப்பொழுது அசோக் செல்வன் ஹீரோவாக நடிக்கும் நித்தம் ஒரு வானம் என்ற படத்தில் அடுத்து வருகிறார் வருகிறார். ரிது வர்மா மற்றும் சிவாத்மிகா என இந்த படத்தில் மொத்தம் மூன்று கதாநாயகிகள் நடிக்கின்றனர். இயக்குனர் ரா கார்த்திக் இப்படத்தை இயக்கி வருகிறார்.

ஹோம்லி லுக்கில் சிலைபோல

தமிழில் அடுத்ததாக முன்னணி நடிகர் ஒருவரின் படத்தில் நடிக்க பேச்சுவார்த்தை நடைபெற்று வருகிறது. அது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது. இவ்வாறு மலையாளம் மற்றும் தமிழ் என இரு மொழிகளிலும் பாடகியாகவும் நடிகையாகவும் கலக்கிக் கொண்டிருக்கும் அபர்ணா பாலமுரளி இப்பொழுது சேலையில் ஹோம்லி லுக்கில் சிலைபோல உள்ள புகைப்படத்தை இன்ஸ்டாகிராம் பக்கத்தில் பதிவிட்டுள்ளார். இதனைப் பார்த்த ரசிகர்கள் சேலை கட்டும் பெண்ணுக்கொரு வாசம் உண்டு என வர்ணித்து வருகின்றனர்.