ஆதி என் ஆசைக்கு தடைபோட மாட்டார்.. நிக்கி கல்ராணியின் சுவாரஸ்ய பதில்!

நிக்கி கல்ராணி

நடிகை நிக்கி கல்ராணி, யாகாவராயினும் நா காக்க, கோ2, கலகலப்பு-2, வேலைன்னு வந்துட்டா வெள்ளக்காரன், கடவுள் இருக்கான் குமாரு, மரகத நாணயம், ஹர ஹர மகாதேவகி, ராஜவம்சம் போன்ற பல படங்களில் நடித்துள்ளார். இது தவிர மலையாளம், கன்னடம், தெலுங்கு படங்களிலும் நடித்துள்ளார்.

காதல் கிசுகிசு

யாகாவராயினும் நாகாக்க படத்தில் ஆதியுடன் இணைந்து நடித்த போதே இருவரும் காதலித்து வருவதாக கிசுகிசுக்கப்பட்டது. ஆனால், காதல் விவகாரம் குறித்து இருவரும் வாய் திறக்காமல் இருந்தனர். இந்த ஜோடிக்கு திடீரென நெருக்கமான குடும்பத்தினர் மற்றும் நண்பர்கள் முன்னிலையில் நிச்சயதார்த்தம் நடைபெற்றது.

என் ஆசைக்கு தடை போடமாட்டார்

இந்நிலையில், நிக்கி கல்ராணி அளித்துள்ள பேட்டியில், ஆதி என்னை மிகவும் நேசிக்கிறார், திருமணத்திற்கு பிறகும் நடிக்க வேண்டும் என்பது என் ஆசை, அந்த ஆசைக்கு ஆதி நிச்சயம் தடை போடமாட்டார், திருமணத்திற்கு பிறகும் தொடர்ந்து நடிப்பேன் என்று கூறியுள்ளார். வெப் சீரிஸ் ஒன்றை தயாரிக்க இருப்பதாகவும் அது குறித்த அறிவிப்பு விரைவில் அறிவிக்க இருப்பதாகவும் நிக்கி கல்ராணி கூறினார்.

கிளாப்

நிக்கி கல்ராணி, இயக்குநர் சுசீந்திரன் இயக்கத்தில் உருவாகி வரும் சிவுடு திரைப்படத்தில் ஆதிக்கு ஜோடியாக நடித்து வருகிறார். இந்தப் படம் தமிழ், தெலுங்கு மொழிகளில் தயாராகி வருகிறது. மேலும், ஆதி தெலுங்கில் மற்றும் தமிழில் ஒரே நேரத்தில் உருவாகி வரும் 'கிளாப்' மற்றும் 'தி வாரியர்' ஆகிய படங்களில் நடித்து வருகிறார். இந்த படங்களின் படப்பிடிப்பு முடிந்த பிறகே இவர்களின் திருமணம் தேதி இருக்கும் என்று எதிர்பார்க்கப்படுகிறது.