Don't Miss!
- Automobiles 21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
- Lifestyle Today Rasi Palan 24 April 2024: இன்று இந்த ராசிக்காரர்கள் பிறர் பிரச்சனைகளில் தலையிடாமல் இருந்தால் நல்லது...
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
இளம் வயதில் பலமுறை பலாத்காரம் செய்யப்பட்டேன்... பமீலா பகீர்
கேன்ஸ் எனது மாஜி காதலரும், அவரது நண்பர்களும் சேர்ந்து என்னை பாலியல் பலாத்காரம் செய்து விட்டனர் என்று கவர்ச்சி நடிகை பமீலா ஆண்டர்சன் பரபரப்புத் தகவலை வெளியிட்டுள்ளார்.
ஆனால் இதெல்லாம் நடந்தது இப்போது இல்லையாம். அவருக்கு 12 வயதாக இருந்தபோது இத்தனையும் நடந்தேறியதாம். அதேபோல அவர் 6 வயதில் இருந்தபோது பாலியல் ரீதியான சீண்டல்களுக்கு ஆளானாராம்.
ஒருமுறை அல்ல 2 முறை அவர் பலாத்காரம் செய்யப்பட்டாராம். அதில் ஒருமுறை அவர் கேங் ரேப்புக்குள்ளானாராம்.
பே வாட்ச் பமீலா...
பே வாட்ச் டிவி தொடர் மூலம் உலகப் புகழ் பெற்றவர் பமீலா ஆண்டர்சன். அதில் அவர் போட்ட கடற்கரைக் களியாட்டங்கள் அந்தக் கால இளசுகளின் மனதிலிருந்து இன்னும் போகவில்லை. பமீலாவும் கூட அதே பழைய பன்னீர் செல்வியாகத்தான் இருக்கிறார்.
இப்பெல்லாம் அடக்கம் அமரருள் உய்க்கும்...
ஆனால் இப்போது சற்று கவர்ச்சியை குறைத்து விட்டு பமீலா ஆண்டர்சன் பவுண்டேஷன் என்ற அமைப்பை நிறுவி சுற்றுச்சூழல் பாதுகாப்பு விழிப்புணர்வு, மனித உரிமைகள், பிராணிகள் நலனுக்காக குரல் கொடுப்பது என்று மாறி விட்டார்.
கேன்ஸ் விழாவில் பரபரப்பு
இந்த நிலையில் கேன்ஸ் பட விழாவுக்கு வந்திருந்த பமீலா அங்கு தனது கடந்த கால கசப்புகளை அனைவரிடமும் பகிர்ந்து கொண்டார்.
மனிதர்களை நம்பிக் கெட்டேன்
அவர் விழாவில் பேசுகையில், நான் மனிதர்களை நம்பிக் கெட்டேன். ஆனால் விலங்குகள்தான் எனக்கு உற்ற நண்பர்களாக, நம்பிக்கைக்குரியவர்களாக இருந்தன.
6 வயதில் பாலியல் சீண்டல்
6 வயதிலேயே நான் பாலியல் ரீதியாக சீண்டுதல்களுக்குள்ளானேன். என்னைப் பார்த்துக் கொள்ள நியமிக்கப்பட்ட நபர்தான் இதைச் செய்தார். பின்னர் 12 வயதில் ஒருமுறை பாலியல் பலாத்காரம் செய்யபப்பட்டேன். பின்னர் எனது மாஜி காதலர் மற்றும் அவரது நண்பர்களால் நான் கேங் ரேப் செய்யப்பட்டேன்.
இளம் வயதிலேயே பலமுறை
இளம் வயதிலேயே நான் பலமுறை பாலியல் கொடுமைகளுக்குள்ளானேன்.
செத்துப் போக நினைத்தேன்
12 வயதிலேயே நான் பாலியல் பலாத்காரத்துக்குள்ளானபோது செத்துப் போக நினைத்தேன். எனக்கு இந்த உலகமே வெறுத்துப் போய் விட்டது. அப்போது நான் எனது சகோதரரின் நண்பரால் பலாத்காரம் செய்ய்பட்டேன்.
நண்பரின் தங்கை வீட்டில் வைத்து
அந்த நண்பரின் தங்கை வீட்டுக்கு நான் போயிருந்தபோது வீட்டில் யாரும் இல்லை. எனக்கு முதுகு வலிக்கு மசாஜ் செய்வதாக கூறி அந்த நண்பர் என்னை மயக்கி பலாத்காரம் செய்து விட்டார். அந்த நபருக்கு வயது 25.
7 பேர் சேர்ந்து
இந்த துயரத்திலிருந்து நான் மீண்ட பின்னர் எனது முதல் காதலர் மற்றும் அவரது நண்பர்கள் 6 பேரால் நான் கேங் ரேப் செய்யப்பட்டேன்.
விலங்குகள் தேவலாம்..
இப்படி மனிதர்களால் வேட்டையாடப்பட்ட நான் விலங்குகள் பக்கம் திரும்பினேன். அவைதான் எனக்கு ஆறுதல் கொடுத்தன. என்னை அமைதிப்படுத்தின. நம்பிக்கையுடன் அவர்களிடம் நான் பழக முடிந்தது என்றார் பமீலா.
46 வயதில்
பமீலாவுக்கு இப்போது 46 வயதாகிறது என்பது குறிப்பிடத்தக்கது. அவர் ரிக் சாலமோன் என்பவரை மணந்து பின்னர் விவாகரத்து செய்து தற்போது மறுபடியும் அவரையே மறுமணம் செய்து வாழ்ந்து வருகிறார்.