டி.ஆருக்கு இணையாக ஆட்டம் போட திணறிய முமைத்கான்

ரீடேக் வாங்கிய முமைத்கான்

டப்பாங்குத்துக்கு நடனத்துக்கு பெயரெடுத்தவர் டி.ராஜேந்தர். அவருடன் ஆடும் போது அவருடைய வேகத்துக்கு ஈடு கொடுக்க முடியாமல் திணறிவிட்டாராம் முமைத்கான். சில ஸ்டெப்களை போடமுடியாமல் ரீடேக் வாங்கினாராம்.

முதுகெலும்பு போச்சே

முதல் நாள் ஆட்டத்தில் முமைத்கானின் முதுகெலும்பு கழன்று விட்டதால், அடுத்து இரண்டு நாள் லீவு போட்டுவிட்டு ஹோட்டல் அறையில் படுத்துக்கொண்டாராம். அதையடுத்து இரண்டாவது நாளாக டி.ஆருடன் கோதாவில் குதித்த முமைத்கான் ஒருவழியாக ஆடி முடித்துவிட்டாராம்.

டி.ஆர். சூப்பர்தான்

படப்பிடிப்பை முடித்துக் கொண்டு மும்பைக்கு கிளம்பிய முமைத்கான், இன்றைய இளவட்ட நடிகர்களையே ஒரு கை பார்த்துவிடும் நான், ஒரு மாஜி ஹீரோவுடன் ஆட முடியாமல் திணறி விட்டேன். அந்த அளவுக்கு இந்த வயசிலும் யூத்தாக நடனமாடுகிறார் டி.ஆர்., என்று சொல்லிவிட்டு சென்றாராம்.

பவர்ஸ்டாருக்கு பதில் டி.ஆர்

ஆர்யா சூர்யா படத்தில் பவர்ஸ்டார் சீனிவாசன்தான் நடிப்பதற்கு புக் செய்யப்பட்டார். அவர் சிறையில் இருப்பதால் படத்தில் டி.ராஜேந்தருக்கு ஒரு குத்துப்பாடல் சேர்த்தார். இப்போது முழு படத்திலும் டி.ஆர் நடிக்க உள்ளதாக தகவல்கள் வெளியாகியுள்ளன.