For Quick Alerts
    ALLOW NOTIFICATIONS  
    For Daily Alerts

    எடியூரப்பா கட்சிக்குத் தாவும் கன்னட நடிகைகள்: பூஜா காந்தி முதல் என்ட்ரி

    By Mayura Akilan
    |

    பெங்களூர்: கர்நாடகா மாநிலத்தில் முக்கிய கட்சிகளில் உள்ள கன்னட நடிகைகள் எதியூரப்பாவின் கர்நாடக ஜனதா கட்சியில் சேர முடிவு செய்துள்ளதாக தகவல்கள் வெளியாகியுள்ளன. முதலாவதாக தேவ கவுடாவின், மதசார்பற்ற ஜனதா தளத்திலிருந்து (ம.ஜ.த) விலகியுள்ள நடிகை பூஜா காந்தி, நாளை எதியூரப்பா கட்சியில் இணைய உள்ளார்.

    கன்னட சினிமா உலகின் கவர்ச்சி நடிகையான பூஜா காந்தி சில மாதங்களுக்கு முன்னர் முன்னாள் முதல்வர் குமாரசாமி முன்னிலையில், ம.ஜ.தவில் இணைந்தார். எனினும் பூஜா காந்தி நடித்த "தண்டுபாளையா' படம் பற்றி கட்சித் தலைவர் குமாரசாமி விமர்சித்திருந்தார். இதனால், கோபமடைந்த பூஜா காந்தி, ம.ஜ.தவிலிருந்து சமீபத்தில் விலகினார்.

    இந்நிலையில், எடியூரப்பாவின் புதிய கட்சியான, க.ஜ.கவில் (கே.ஜே.பி) இணைய, பூஜா காந்தி முடிவு செய்தார். இதற்காக, எடியூரப்பாவை வெள்ளிக்கிழமையன்று சந்தித்து ஆலோசனை நடத்தியுள்ளார். பூஜா காந்தியின் அதிகாரப்பூர்வ இணைப்பு டிசம்பர் 9ம் தேதி நடைபெறும் என்று க.ஜ.த. கட்சி வட்டாரங்கள் தெரிவித்துள்ளன.

    இதேபோல் பா.ஜகவில் அதிருப்தியில் உள்ள நடிகைகள் ஸ்ருதி, மாலாஸ்ரீ ஆகியோரும், கே.ஜே.பியில் இணைய நேரம் பார்த்து காத்திருப்பதாக தகவல்கள் வெளியாகியுள்ளன.

    English summary
    Former chief minister B S Yeddyurappa's Karnataka Janata Party (KJP) got its first glamour quotient on Friday with cine actor Pooja Gandhi joining the party after quitting the JD(S).
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X