பாவாடை ஜாக்கெட்டுடன் ராஷ்மிகா மந்தனா.. புஷ்பா பட கெட்டப் இதுதான்.. வெளியானது ஃபர்ஸ்ட் லுக்!

செம்மரக் கடத்தல் குறித்து..

சுகுமார் இயக்கத்தில் உருவாகும் புஷ்பா திரைப்படம் இரண்டு பாகங்களாக உருவாகிறது. ராயலசீமா மற்றும் ஆந்திர மாநில மலைப் பகுதியான சேஷாச்சலம் வனப்பகுதியில் நடக்கும் செம்மரக் கடத்தல்களை அடிப்படையாக கொண்டு இப்படம் உருவாக்கப்படுகிறது.

ஸ்ரீவள்ளி கதாப்பாத்திரத்தில்

இந்நிலையில் இப்படத்தின் ஃபர்ஸ்ட் லுக் போஸ்டர் தற்போது வெளியாகியுள்ளது. இதில் ராஷ்மிகா மந்தனாவின் கெட்டப் தெரியவந்துள்ளது. அதன்படி ஸ்ரீவள்ளி என்ற கதாப்பாத்திரத்தில் நடிக்கிறார் நடிகை ராஷ்மிகா மந்தனா.

பாவாடை ஜாக்கெட்டுடன்

இதில் பாவாடை ஜாக்கெட்டுடன் உள்ள ராஷ்மிகா மந்தனா, சீவி சிங்காரித்து காதில் தோடு போட்டுக் கொண்டிருக்கிறார். மேலும் பாயில் உள்ள தாம்பூலத்தில் சேலை பூ பொட்டு மஞ்சள் குங்குமம் என வைக்கப்பட்டுள்ளது. இந்த போஸ்டரை பார்த்த நெட்டிசன்கள் படத்தை காண ஆர்வமாக இருப்பதாக தெரிவித்து வருகின்றனர்.

Recommended Video

சூப்பர்ஸ்டார் பட்டம் எனக்கு வேண்டாம் |Actress Rashmika Mandanna Interview|Filmibeat Tamil

அல்லு அர்ஜுன் மனைவியாக

புஷ்பா படம் தெலுங்கு, தமிழ், இந்தி, மலையாளம் மற்றும் கன்னடம் ஆகிய ஐந்து மொழிகளில் வெளியிடப்படவுள்ளது. அல்லு அர்ஜுன் செம்மரக் கடத்தல்காரராக நடிக்கிறார், அதே நேரத்தில் ஆந்திராவின் ராயல்சீமாவில் உள்ள செம்மரக் கடத்தல்காரர்களைப் பற்றிய நிஜ வாழ்க்கை சம்பவங்களை அடிப்படையாகக் கொண்டதாக உள்ளது. இந்தப் படத்தில் அல்லு அர்ஜுன் மனைவியாக ராஷ்மிகா நடிக்கிறார்.

கிறிஸ்துமஸ் தினத்தில் ரிலீஸ்

இந்த ஆண்டு கிறிஸ்துமஸ் தினத்தில் புஷ்பா படம் ரிலீஸ் ஆகும் என அறிவிக்கப்பட்டுள்ளது. நடிகை ராஷ்மிகா மந்தனா மாடலாக தனது கேரியரை தொடங்கினார். தற்போது தெலுங்கு, தமிழ், கன்னடம், இந்தி என பல மொழி படங்களில் நடித்து வருகிறார் ராஷ்மிகா என்பது குறிப்பிடத்தக்கது.