அந்த ஹீரோவுடன் நடிக்கவே பயமா இருந்தது… மனம் திறந்த ராஷி கண்ணா !

ராஷி கண்ணா

தென்னிந்திய சினிமாவின் பிரபல நடிகையாக வலம் வந்துக்கொண்டிருப்பவர் நடிகை ராஷி கண்ணா. இவர் இந்தியில் மெட்ராஸ் கபே படத்தில் துணை நடிகையாக அறிமுகமானார். அதன் பிறகு தெலுங்கில் ஓஹலுஸ் குசாகுலாடேட் திரைப்படத்தல் நடித்து தொடர் ஹிட் படங்களில் நடித்தார்.

தமிழில் அறிமுகம்

ஒரு சில படத்திலே டாப் நடிகை ரேஞ்சுக்கு பிரபலமான ராஷி கண்ணா தமிழில் இமைக்கா நொடிகள் படத்தில் அதர்வாவிற்கு ஜோடியாக நடித்து கோலிவுட்டில் அறிமுகமானார். இங்கும் முதல் படத்திலே எக்கச்சக்க ரசிகர்களுக்கு பேவரைட் நடிகையாக பேசப்பட்டார்.

பல படங்களில் பிஸி

ராஷிகண்ணா தற்போது, அடங்கமறு, அயோக்யா, சங்கத்தமிழன், அரண்மனை 3 உட்பட சில படங்களில் நடித்துள்ளார். இப்போது கார்த்திக்குடன் சர்தார், படத்திலும் தனுஷூடன் திருச்சிற்றம்பலம் படங்களிலும் பிஸியாக நடித்து வருகிறார்.

வெப் தொடர்

தமிழ், தெலுங்கு, இந்தி உள்ளிட்ட மொழிப்படங்களில் கவனத்தை செலுத்தி வரும் ராஷி கண்ணா, தற்போது அஜய் தேவ்கனுடன் ருத்ரா: த எட்ஜ் ஆப் டார்க்னஸ் என்ற வெப் சீரிஸில் நடித்துள்ளார். இந்த வெப் தொடரின் மூலம் முதன்முறையாக ஓடிடியில் அறிமுகமாகிறார் ராஷிகண்ணா.

அவருடன் நடிக்க பயந்தேன்

இந்த வெப் தொடரில் நடித்த அனுபம் குறித்து பேசிய ராஷி கண்ணா, ருத்ரா: த எட்ஜ் ஆப் டார்க்னஸ் வெப்தொடர் ஒரு கிரைம் தொடராகும் அதில் அஜய் தேவ்கனுடன் இணைந்து நடித்துள்ளேன். முதல் முதலில் அஜய் தேவ்கன்னை ஷூட்டிங் ஸ்பாட்டில் தான் பார்த்தேன், அதற்கு முன் அவரை எங்கேயும் பார்த்தது இல்லை. அவருடன் முதல் காட்சியில் நடிக்கவே பயமாக இருந்தது, பதற்றம் அடைந்து பல காட்சிகளில் சொதப்பி விட்டேன்.

எளிமையான மனிதர்

நான் பதற்றப்படுகிறேன் என்பதை புரிந்து கொண்ட அஜன் தேவ்கன் என்னிடம், பதற்றம் வேண்டாம் கூல் என்றார். அவருடன் பழகிய பிறகுதான் தெரிந்தது அவர் உண்மையில் மிகவும் எளிமையான மனிதர், அவரிடம் பல விஷயங்களை கற்றுக்கொண்டேன் என்றார். இந்த வெப் தொடர் டிஸ்னி பிளஸ் ஹாட்ஸ்டாரில் அடுத்த மாதம் 4-ம் தேதி வெளியாக உள்ளது என்றார்.