ராதிகா தான் எனக்கு சேலை கட்ட சொல்லி கொடுத்தாங்க.. நடிகை குஷ்பூ!

சின்ன தம்பி மிகப்பெரிய பிரேக்கிங் பாயின்ட்

இயக்குனர் பாசில் இயக்கத்தில் கார்த்திக் ஹீரோவாக நடித்த வருஷம் 16 படத்தில் நடித்ததன் மூலம் தமிழ் சினிமாவில் கதாநாயகியாக அறிமுகமானவர் நடிகை குஷ்பூ. முதல் படத்திலேயே மக்கள் மத்தியில் பெரும் வரவேற்பு பெற்ற குஷ்பூ அதை தொடர்ந்து வெற்றி விழா, பாட்டுக்கு நான் அடிமை, கிழக்கு வாசல், தாலாட்டு பாடவா, என்கிட்ட மோதாதே, நடிகன், மைக்கேல் மதன காமராஜன் உள்ளிட்ட பல வெற்றி படங்களில் நடித்து வந்தவருக்கு இயக்குனர் பி வாசு இயக்கத்தில் வெளியான சின்ன தம்பி திரைப்படம் மிகப்பெரிய பிரேக்கிங் பாயின்ட் ஆக அமைந்தது.

இப்பொழுது சின்னத்திரையிலும் முன்னணி

சின்ன தம்பி பிரம்மாண்ட வெற்றி பெற்று சாதனை படைத்த பிறகு தமிழ், தெலுங்கு, கன்னடம்,மலையாளம், ஹிந்தி உள்ளிட்ட பல மொழிகளில் வெற்றி நாயகியாக வலம் வர ஆரம்பித்தார் பெரும்பாலான முன்னணி நடிகர்களுடன் இணைந்து ஜோடி போட்டு நடித்துள்ளார். குஷ்பூ வெள்ளித்திரையில் தொடர்ந்து இப்பொழுது சின்னத்திரையிலும் கலக்கிக் கொண்டுள்ளார்.

ரஜினிகாந்துடன் அண்ணாத்த

நீண்ட இடைவெளிக்குப் பிறகு சூப்பர் ஸ்டார் ரஜினிகாந்துடன் அண்ணாத்த படத்தில் துள்ளலான நடிப்பை வெளிப்படுத்தியிருப்பார். நடிகையாக மட்டுமல்லாமல் தயாரிப்பாளராகவும் இருக்கும் குஷ்பு கிரி, ரெண்டு ,கலகலப்பு, மீசைய முறுக்கு, தீயா வேலை செய்யணும் குமாரு, நட்பே துணை, நான் சிரித்தால், கலகலப்பு 2 போன்ற பல வெற்றி படங்களை தயாரித்தும் உள்ளார்.

சேலை கட்ட கற்றுக் கொடுத்தார்

திரைத்துறையை கடந்து நடிகை ராதிகா, சுஹாசினி, நிரோஷா, ஊர்வசி ஆகியோர் குஷ்புவின் மிக நெருங்கிய நண்பர்களாக உள்ளனர். இந்த நிலையில் தமிழ் சினிமாவிற்கு நடிக்க வந்த புதிதில் தனக்கு மிகவும் பிடித்த சைனீஸ் ரெஸ்டாரண்ட்க்கு ராதிகா மற்றும் நிரோஷா தான் அழைத்துச் சென்றார்களாம். அதேபோல நடிகை ராதிகா தான் முதல் முறையாக எனக்கு சேலை கட்ட கற்றுக் கொடுத்தார். தனியாக இருக்கும் போது யாரையும் டிபன்ட் பண்ணி இருக்க கூடாது என ராதிகா எனக்கு சேலை கட்ட கற்றுக் கொடுத்தது என்னால் மறக்கவே முடியாது என நடிகை குஷ்பு தனியார் யூடியூப் சேனல் ஒன்றின் பேட்டியில் பகிர்ந்துள்ளார்.