புயல் வேகத்தில் நடந்து முடிந்த "தி சேஸ்".. சூப்பரான அப்டேட்டை பகிர்ந்த ரைசா!

மாடல் அழகியாக

இளம் நடிகையாக வலம் வந்து கொண்டிருக்கும் நடிகை ரைசா வில்சன் தமிழில் சில திரைப்படங்கள் மட்டுமே நடித்திருந்தாலும் பிக் பாஸ் நிகழ்ச்சி இவருக்கு மிகப் பெரிய அறிமுகத்தை கொடுத்ததையடுத்து, மாடல் அழகியாக வலம் வந்த இவர் இப்பொழுது கதாநாயகியாக பல திரைப்படங்களில் நடித்து வருகிறார்.

அழகான ஜோடி

வேலையில்லா பட்டதாரி 2 திரைப்படத்தில் சிறிய கதாபாத்திரத்தில் நடித்து அசத்தியிருந்த ரைசா வில்சன் பிக்பாஸ் நிகழ்ச்சிக்கு பின் எக்கசக்கமான ரசிகர்கள் உருவாக பிக் பாஸில் ஹரிஷ் கல்யாண் உடன் ரொமான்ஸ் செய்ததை அடுத்து பியார் பிரேமா காதல் திரைப்படத்திலும் ரீல் ஜோடியாக அறிமுகமாகி காதலர்களை வெகுவாக கவர்ந்ததோடு திரையில் பார்ப்பதற்கு மிக அழகான ஜோடி என்ற பாராட்டுகளையும் பெற்றனர்.

நடிகைகளின் பார்முலாவில்

பியார் பிரேமா காதல் திரைப்படத்தின் வெற்றியைத் தொடர்ந்து ஹரிஷ் கல்யாண் நடித்த "தனுசு ராசி நேயர்களே" திரைப்படத்தில் சிறப்பு தோற்றத்தில் வந்து சென்ற இவர் இப்பொழுது முன்னணி நடிகைகளின் பார்முலாவில் நாயகிக்கு முக்கியத்துவம் தரும் கதையில் வெறித்தனமாக நடித்து வருகிறார்.

தலைகீழ் தொங்கியவாறு

அடர்ந்த காட்டுக்குள் ரத்தம் சொட்டச் சொட்ட ரைசா தலைகீழ் தொங்கியவாறு "தி சேஸ்" போஸ்டர் வெளியாகி அனைவரையும் மிரட்ட இதன் படப்பிடிப்புகள் யாருக்கும் தெரியாமல் முற்றிலும் நடுக்காட்டில் குறைந்த நாட்களில் நடத்தி முடித்தது இந்த படக்குழு.

சூப்பரான அப்டேட்டை

ராக்கெட் வேகத்தில் நடைபெற்ற படப்பிடிப்பு முற்றிலும் முடிந்து, டப்பிங் மிக்சிங் என அனைத்து கட்டப் பணிகளும் வெகு சிறப்பாக முடிவடைந்துள்ளது, இந்த மகிழ்ச்சியான செய்தியை ரசிகர்களுக்கு தெரிவிக்கும் வகையில் ரைசா இப்பொழுது இன்ஸ்டாகிராம் மற்றும் ட்விட்டர் உள்ளிட்ட சமூக வலைதள பக்கங்களில் இந்த சூப்பரான அப்டேட்டை வெளியிட்டு ரசிகர்களுக்கு இன்ப அதிர்ச்சி அளித்துள்ளார்.

முழுக்க முழுக்க த்ரில்லர்

"தி சேஸ்" திரைப்படத்தின் பர்ஸ்ட் லுக் போஸ்டர் மற்றும் அவ்வப்போது வெளியாகும் படப்பிடிப்பு புகைப்படங்கள் பார்க்கும் அனைவரையும் மிரட்டி வந்த நிலையில் முழுக்க முழுக்க த்ரில்லர் திரைப்படமாக உருவாகியிருக்கும் "தி சேஸ்" பார்க்கும் அனைவரையும் சீட்டின் நுனியில் உட்கார வைக்கும் என ரசிகர்கள் எதிர்பார்த்து வர, ரைசாவின் வழக்கமான க்யூட் கலந்த கவர்ச்சி இந்தப்படத்திலும் இருக்குமா என ரசிகர்கள் எதிர்பார்த்துள்ளனர்.