சூரியுடன் ரம்யா பாண்டியன்.. சூட்டிங் ஸ்பாட்டில் கிடைத்த கேப்பில் என்ன பண்றாங்க பாருங்க!

சோபா மேல காலு

ஒரு சின்ன கேப்பிற்கு பிறகு மீண்டும் தனது இன்ஸ்டாகிராம் ஃபாலோயர்களுக்காக சோபாவில் செம ஹாயாக அமர்ந்திருக்கும் போட்டோவை பதிவிட்டுள்ளார். அந்த போட்டோவில் சோபாவின் மேல் கால் வைத்து செம கெத்தாக போஸ் கொடுத்துள்ள ரம்யா பாண்டியனுக்கு லைக்குகள் குவிந்து வருகின்றன.

சூரியுடன் ரம்யா பாண்டியன்

பிக் பாஸ் நிகழ்ச்சிக்கு பிறகு சூர்யாவின் 2டி நிறுவனம் தயாரிப்பில் வெளியான ராமே ஆண்டாலும் ராவணே ஆண்டாலும் படத்தில் நாயகியாக நடித்த ரம்யா பாண்டியன் மம்மூட்டியுடன் நண்பகல் நேரத்து மயக்கம் படத்தில் நடித்து வருகிறார். இந்நிலையில், சூரியுடன் ஒரு படத்தில் நடித்து வரும் அவர் சூட்டிங் ஸ்பாட்டில் செய்த அலப்பறை வீடியோவை தனது ட்விட்டர் பக்கத்தில் பதிவிட்டுள்ளார்.

சூட்டிங் ஸ்பாட் கேப்பில்

காமெடி நடிகர் சூரி இயக்குநர் வெற்றிமாறனின் விடுதலை படத்தில் ஹீரோவாக நடித்து வந்தாலும், விருமன் உள்ளிட்ட படங்களில் தொடர்ந்து காமெடியனாக நடித்து வருகிறார். இந்நிலையில், ரம்யா பாண்டியன் உடன் சேர்ந்து கொண்டு சூட்டிங் ஸ்பாட் கேப்பில் இருவரும் வெளியிட்டுள்ள வீடியோ தற்போது டிரெண்டாகி வருகிறது.

டான் டயலாக்

சிவகார்த்திகேயன் மற்றும் சூரி இணைந்து டான் படத்தில் "ஆம்ப்பா.. " என கல்லூரியில் அடித்த ரகளையான காமெடி வேறலெவலில் டிரெண்டானது. இந்நிலையில், அதையே தற்போது ரம்யா பாண்டியன் மற்றும் சூரி இணைந்து சூட்டிங் ஸ்பாட்டில் பேசி வீடியோவாக வெளியிட்டு ரசிகர்களை உற்சாகப்படுத்தி உள்ளனர்.

ஆடியோ சரியில்லை

காற்று பலமாக அடிக்க ரம்யா பாண்டியனின் கூந்தல் பறக்கும் அழகை வேண்டுமானால் இந்த வீடியோவில் ரசிக்க முடிகிறதே தவிர, இருவரும் காமெடி என்கிற பெயரில் பேசும் ஆடியோ சரியாக கேட்கவில்லை என நெட்டிசன்கள் கிண்டலடித்து வருகின்றனர்.