இந்திய கிரிக்கெட் வீரருடன் காதலில் இருக்கிறாரா ராஷ்மிகா மந்தனா?

தெலுங்கில் கலக்கிய ராஷ்மிகா மந்தனா

விஜய் தேவரகொண்டாவுடன் ராஷ்மிகா நடித்த கீதா கோவிந்தம் மெகா ஹிட்டானது. மேலும் அந்தப் படத்திலிருந்து ராஷ்மிகாவுக்கு பலரும் ரசிகர்களாக மாறினர். அதனையடுத்து டியர் காம்ரேட் படம் சுமார் வரவேற்பை பெற்றாலும் ராஷ்மிகா மந்தனாவுக்கென்ற ரசிகர்கள் குறையவில்லை. தொடர்ந்து புஷ்பா உள்ளிட்ட படங்களில் நடித்து அசத்தினார்.

தமிழில் சொதப்பும் ராஷ்மிகா மந்தனா

தெலுங்கில் கொடிகட்டி பறக்கும் ராஷ்மிகா தமிழிலும் நடிக்க ஆரம்பித்திருக்கிறார். அதன்படி, தமிழில் கார்த்தி நடித்த சுல்தான் படத்தின் மூலம் அறிமுகமானார். சுல்தான் போதிய வரவேற்பைப் பெறவில்லை. இதனையடுத்து விஜய்யுடன் வாரிசு படத்தில் நடித்தார். விஜய்யுடன் நடித்திருப்பதால் தமிழில் மிகப்பெரிய ரவுண்டு வரலாம் என கணக்கு போட்டார் ராஷ்மிகா மந்தனா. ஆனால் இந்தப் படமும் கலவையான விமர்சனங்களையே பெற்றதால் தமிழில் எதிர்பார்த்த அளவுக்கு அவரால் ஒரு ரவுண்டு வரமுடியவில்லை.

நேஷனல் க்ரஷ், எக்ஸ்ப்ரெஷன் குயின் ராஷ்மிகா மந்தனா

தமிழில் அவர் திணறினாலும் ஹிந்தியில் அவருக்கு பட வாய்ப்புகள் வந்துகொண்டிருக்கின்றன. அந்தவகையில் குட் பை, மஜ்னு, அனிமல் உள்ளிட்ட படங்களில் நடித்திருக்கிறார். இதற்கிடையே பல மொழிகளில் நடிக்க ஆரம்பித்திருக்கும் ராஷ்மிகா மந்தனாவை ரசிகர்கள் நேஷனல் க்ரஷ் என்றும், எக்ஸ்பிரஷன் குயின் என்றும் அழைக்கிறார்கள்.

கிரிக்கெட் வீரருடன் காதலில் விழுந்த ராஷ்மிகா மந்தனா?

இந்நிலையில் இந்திய கிரிக்கெட் அணியின் இளம் வீரர் சுப்மன் கில்லை ராஷ்மிகா மந்தனா காதலித்துவருவதாக பேச்சுக்கள் எழுந்திருக்கின்றன. ஆடை அலங்கார அணிவகுப்பு நிகழ்ச்சி ஒன்றில் பங்கேற்ற ராஷ்மிகாவிடம் சுப்மன் கில் மீது உங்களுக்கு ஈர்ப்பு இருக்கிறதா என நிருபர்கள் கேள்வி எழுப்பினர். அதற்கு ஆம் என கண்ணடித்தபடி சிரித்துவிட்டு சென்றார். இதனையடுத்துதான் இருவரும் காதலிப்பதாக பேச்சு பலமாக எழுந்திருக்கிறது.

ஏற்கனவே காதலில் விழுந்த ராஷ்மிகா

ராஷ்மிகா மந்தனா ஏற்கனவே கன்னட நடிகரான ரக்‌ஷித் ஷெட்டியை காதலித்தார். இருவருக்கும் கடந்த 2017ஆம் ஆண்டு நிச்சயதார்த்தமும் நடந்தது. ஆனால் கருத்து வேறுபாடு காரணமாக திருமணத்தை ரத்து செய்துவிட்டு இருவரும் பிரிந்தனர். அதேபோல் விஜய் தேவரகொண்டாவுடன் ராஷ்மிகா காதலில் இருந்ததாகவும்; இருவரும் ஜோடியாக மாலத்தீவுக்கு சென்றதாகவும் கூறப்பட்டது. அதனை இருவருமே மறுத்தனர் என்பது குறிப்பிடத்தக்கது.