துல்கர் சல்மான் படத்தில் இணைந்த நடிகை ரஷ்மிகா மந்தனா!

சிறப்பு தோற்றத்தில் ராஷ்மிகா மந்தனா

இதன் படப்பிடிப்பு காஷ்மீரில் நடைபெற்றுக் கொண்டிருக்கும் நிலையில் இப்படத்தில் நடிகை ரஷ்மிகா மந்தனா முக்கியமான வேடத்தில் சிறப்பு தோற்றத்தில் நடிக்க இருப்பதாக கூறப்படுகிறது.

கண்ணும் கண்ணும் கொள்ளையடித்தால்

மலையாளத்தைத் தொடர்ந்து துல்கர் சல்மான் தமிழிலும் எக்கச்சக்கமான படங்களில் நடித்து வருகிறார் அந்த வகையில் கடைசியாக வெளியான கண்ணும் கண்ணும் கொள்ளையடித்தால் மிகப்பெரிய வெற்றி பெற்றது. 2020 ஆம் ஆண்டு வெளியான மிகச் சிறந்த திரைப்படமாக கண்ணும் கண்ணும் கொள்ளையடித்தால் கொண்டாடப்பட்டது . இப்பொழுது ஹே சனாமிகா என்ற படத்தில் துல்கர் சல்மான் நடித்து வருகிறார்.

லெப்டினன்ட் ராம்

ஹிந்தியில் ஏற்கனவே ஒரு சில திரைப்படங்களில் நடித்து வரும் துல்கர் சல்மான் இப்போது தெலுங்கிலும் அறிமுகமாக உள்ளார். இயக்குனர் ஹனு ராக்வபுடி இயக்கத்தில் "லெப்டினன்ட் ராம்" என்ற புதிய படத்தில் துல்கர் நடித்து வருகிறார். இதன் படப்பிடிப்பு காஷ்மீரில் நடைபெற்று வருகிறது . கதாநாயகியாக பாலிவுட் நடிகை மிருனால் தாகூர் நடிக்கிறார்.

Recommended Video

சூப்பர்ஸ்டார் பட்டம் எனக்கு வேண்டாம் |Actress Rashmika Mandanna Interview|Filmibeat Tamil

ராணுவ வீரரின் காதல் கதை

ராணுவத்தில் பணிபுரியும் துல்கர் சல்மான் போர் முடிந்து தன் காதலியைச் சந்திக்க வரும் கதையை வைத்து இந்தப் படம் எடுக்கப்படுகிறது. ஸ்வப்னா சினிமா நிறுவனம் இந்தப் படத்தைத் தயாரிக்கின்றனர். இந்த நிலையில் நடிகை ராஷ்மிகா மந்தனா இப்படத்தில் முக்கியமான சிறப்பு தோற்றத்தில் நடிக்க உள்ளதாக கூறப்படுகிறது.

ராஷ்மிகா மந்தனா சிறப்பு தோற்றத்தில்

தெலுங்கில் முன்னணி நடிகையாக உள்ள ராஷ்மிகா மந்தனா தமிழில் சுல்தான் படத்தின் மூலம் அறிமுகமானார். இப்போது அல்லு அர்ஜுனுக்கு ஜோடியாக புஷ்பா படத்திலும், ஹிந்தியில் மிஷன் மஞ்சு மற்றும் குட் பாய் ஆகிய படங்களில் நடித்து வருகிறார். "லெப்டினன்ட் ராம்" படத்திற்கு ஏற்கனவே ஏகப்பட்ட எதிர்பார்ப்பு இருக்க இப்பொழுது ராஷ்மிகா மந்தனா இணைந்திருப்பதால் இன்னும் அதிகமாகி உள்ளது.