நேஷ்னல் கிரஷ்ன்னு ஒண்ணும் சும்மா சொல்லல.. ரசிகருக்காக ராஷ்மிகா மந்தனா என்ன பண்ணாரு தெரியுமா?

பெங்களூர் டூ மும்பை

பெங்களூரில் பிறந்து வளர்ந்து மும்பையில் மிகப்பெரிய நடிகையாக மாறியவர் நடிகை தீபிகா படுகோன். இந்நிலையில், அதே போல கன்னட நடிகையான ராஷ்மிகா மந்தனா, தென்னிந்திய மொழிகளான தெலுங்கு, தமிழ் உள்ளிட்ட படங்களில் முன்னணி நடிகையாக நடித்து தற்போது சித்தார்த் மல்கோத்ரா நடிப்பில் உருவாகி வரும் மிஷன் மஜ்னு படம் மூலம் விரைவில் பாலிவுட்டில் அறிமுகமாக உள்ளார்.

அமிதாப் பச்சன், ரன்பீர் கபூர்

மிஷன் மஜ்னு மட்டுமின்றி அடுத்ததாக அமிதாப் பச்சன் உடன் இணைந்து குட்பை என்கிற பாலிவுட் படத்திலும், அதனை தொடர்ந்து ஆலியா பட்டின் கணவரும் பாலிவுட் நடிகருமான ரன்பீர் கபூர் உடன் இணைந்து அனிமல் என்கிற படத்திலும் அவருக்கு ஜோடியாக நடிக்கிறார் ராஷ்மிகா மந்தனா.

சமந்தா, நயன்தாரா

இன்ஸ்டாகிராமில் சமந்தாவை எல்லாம் பின்னுக்குத்தள்ளி அதிக ஃபாலோயர்களுடன் தென்னிந்திய நடிகைகளே நேஷ்னல் கிரஷ் ராஷ்மிகா மந்தனா தான் முதலிடத்தில் உள்ளார். மேலும், தி ஃபேமிலி மேன் 2 வெப் தொடருக்கு பிறகு சமந்தாவுக்கு பல பாலிவுட் படங்கள் குவியும் என எதிர்பார்க்கப்பட்ட நிலையில், இதுவரை ஒரு படம் கூட ஒப்பந்தம் ஆகவில்லை. நயன்தாரா ஷாருக்கான் படத்தில் நடித்து வருகிறார். ஆனால், அந்த இருவரையும் பின்னுக்குத் தள்ளி 3 படங்களில் ஒப்பந்தமாகி உள்ளார் ராஷ்மிகா மந்தனா.

ரசிகருக்காக பாடிகார்டை முறைத்த ராஷ்மிகா

திங்கட்கிழமை இரவு மும்பையில் வெள்ளை நிற லாங் ஷர்ட் மற்றும் பேண்ட் அணிந்து கொண்டு வெளியே வந்த ராஷ்மிகா மந்தனாவை புகைப்படக் கலைஞர்கள் போட்டோ எடுத்துத் தள்ளினர். அப்போது, அந்த போட்டோவில் தானும் பங்கு பெற வேண்டும் என இளம் ரசிகர் ஒருவர் உள்ளே நுழைய, ராஷ்மிகா மந்தனாவின் பாடிகார்டுகள் அவரை பிடித்து அப்புறப்படுத்த முயன்றனர்.

நோ நோ அப்படி பண்ணாதீங்க

உடனடியாக தனது பாடிகார்டுகளை முறைத்த ராஷ்மிகா, நோ நோ அப்படி பண்ணாதீங்க என சொல்லி விட்டு, அந்த ரசிகருடன் சிரித்தபடியே போட்டோவும் எடுத்துக் கொண்டார். பாலிவுட்டில் அறிமுகம் ஆக உள்ள நிலையில், அங்குள்ள ரசிகர்களை கவர வேண்டும் என்பதில் ராஷ்மிகா கருத்துடன் இருக்கிறார் என்றும் ரசிகர்களிடம் கனிவாக இருப்பதால் தான் அவர் நேஷ்னல் கிரஷ் என அழைக்கப்படுகிறார் என்றும் கமெண்ட்டுகள் குவிந்து வருகின்றன.

விஜய்க்கு ஜோடி

இயக்குநர் வம்சி இயக்கத்தில் விஜய் நடித்து வரும் தளபதி 66 படத்தில் நடிகை ராஷ்மிகா மந்தனா தான் ஜோடியாக நடித்து வருகிறார். தளபதி 67 படம் மற்றும் இந்தியில் கமிட் ஆகி உள்ள 3 படங்கள் என அனைத்தையும் திட்டமிட்டு ஓய்வின்றி உழைத்து வருகிறாராம் ராஷ்மிகா மந்தனா.