Click it and Unblock the Notifications
மார்ச் 11-ம் தேதி நடிகை ரீமா சென்னுக்கு கல்யாணம்.. டெல்லியில் ஆடம்ப ஏற்பாடுகள்!
தமிழின் முன்னணி நடிகையாகத் திகழ்ந்தவர் ரீமா சென். மின்னலே படத்தில் அறிமுகமானார். தொடர்ந்து விக்ரம், விஜய் உள்ளிட்ட முன்னணி நட்சத்திரங்களின் படங்களில் நடித்தார்.
கடந்த ஆண்டு வெளியான செல்வராகவனின் ஆயிரத்தில் ஒருவன் படத்துக்குப் பிறகு தமிழில் அவருக்குப் படமில்லை. சமீபத்தில் ராஜபாட்டை படத்தில் விக்ரமுடன் ஒரு படத்தில் ஆடினார்.
இந்த நிலையில், சமீபத்தில் அவரது நீண்ட நாள் காதலரான ஓட்டல் அதிபர் ஷிவ் கரண் சிங்குடன் ரகசியமாக நிச்சயதார்த்தம் நடந்தது. ஆனால் இதுகுறித்த செய்திகளை அவர் மறுத்து வந்தார்.
இப்போது உண்மையை ஒப்புக் கொண்டுள்ளார். ரீமா-ஷிவ் கரண் சிங் திருமணம் வரும் மார்ச் 11-ம் தேதி தலைநகர் டெல்லி அருகே உள்ள மணமகனின் பண்ணை வீட்டில் விமரிசையாக நடக்கிறது. அரசியல் பிரபலங்கள், சினிமா புள்ளிகள் என திரளானோர் இதில் பங்கேற்க உள்ளனர்.
மணமகன் கரண் சிங், மோகா, ஷ்ரூம், ஸ்மோக் ஹவுஸ் கிரில் ஆகிய ஓட்டல்களுக்கு சொந்தக்காரர். முக்கிய நகரங்களில் இவற்றின் கிளைகளும் உள்ளன. எனவே நிறைய தொழிலதிபர்களும் திருமணத்துக்கு அழைக்கப்பட்டுள்ளனர்.
திருமண உடைகள் மிக ஆடம்பரமாக வடிவமைக்கப்பட்டு வருகின்றன. ஏராளமான புதிய டிசைன்களில் நகைகள் வாங்கப்பட்டுள்ளன.
தமிழ் நடிகர் நடிகைகளுக்கும் இந்த திருமணத்துக்கு அழைப்பிதழ் கொடுக்கிறார் ரீமா சென். இதற்காக விரைவில் சென்னையில் முகாமிட உள்ளாராம்.
Continue with Google