Don't Miss!
- Automobiles சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- News தென் சென்னையில் கள்ள ஓட்டு? பாஜக திமுக மாறி மாறி புகார்.. பெரும் பதற்றம்! என்ன நடக்கிறது
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
அந்த சீனை தூக்கினால்தான் விழாவுக்கு வருவேன் - அடம் பிடிக்கும் ரேஷ்மி மேனன்!
ரேஷ்மி மேனன்.... கோடம்பாக்கத்தில் இப்போது பரபரப்பு நாயகி இவர்தான். பாபி சிம்ஹாவின் வருங்கால மனைவியான இவர், இப்போது ஒரு படத்துக்கு வில்லங்கமாக நிற்கிறார்.
அந்தப் படம் கிருமி. காக்கா முட்டை புகழ் மணிகண்டன் கதை திரைக்கதை எழுதியுள்ள இந்தப் படத்தில் கதிர் நாயகனாக நடித்துள்ளார். அவருக்கு ஜோடியாக ரேஷ்மி மேனன் நடித்திருக்கிறார்.
படப்பிடிப்பு முடிந்து, நாளை மறுநாள் இசை வெளியீடும் நடக்கவிருக்கிறது.
இந்த நிலையில் படக்குழுவுக்கு எந்த ஒத்துழைப்பும் தர முடியாது என முரண்டு பிடிக்கிறாராம் ரேஷ்மி.
என்னதான் பிரச்சினை?
இந்தப் படம் ஆரம்பிக்கும்போது ரேஷ்மிக்கும் பாபி சிம்ஹாவுக்கும் ஒரு தொடர்பும் இல்லை. கிருமி படத்தில் கதிருக்கும் ரேஷ்மிக்கும் ரொம்ப நெருக்கமான காதல் காட்சிகள் சில வைத்திருக்கிறார்கள். ரேஷ்மியும் எந்த மறுப்பும் சொல்லாமல் முழுமையாக ஒத்துழைத்து நடித்துக் கொடுத்திருக்கிறார்.
நாளை மறுநாள் படத்தின் இசை வெளியீட்டில் கலந்து கொள்ளுமாறு தயாரிப்பாளர் தரப்பில் அழைத்திருக்கிறார்கள். ஆனால் சென்னையிலேயே இருந்தும்கூட, விழாவுக்கு வர முடியாது என்று கூறிவிட்டாராம்.
ஏன்?
நீங்கள் ஷூட் பண்ண அந்த நெருக்கமான காட்சிகளை முற்றாக நீக்க வேண்டும். இல்லாவிட்டால் ஆடியோ வெளியீடு மட்டுமல்ல, படம் தொடர்பான எந்த நிகழ்ச்சிக்கும் வரமாட்டேன் என்று கூறிவிட்டாராம்.
ஆனால் இயக்குநரைக் கேட்டால், அந்தக் காட்சிகள் கதைக்கு மிகவும் தேவை. இல்லாவிட்டால் படம் அழுத்தமாக இருக்காது. எனவே நீக்க முடியாது என்று கறாராகக் கூற, தயாரபிப்புத் தரப்பு மீண்டும் ரேஷ்மியிடம் போயிருக்கிறது.
ஆனால் ரேஷ்மியோ, என் முடிவில் மாற்றமில்லை என்று கூறிவிட, பப்ளிசிட்டிக்கான வாய்ப்பு குறைவாக உள்ளதே என கையைப் பிசைகிறது தயாரிப்புத் தரப்பு.
"இதுதான் காட்சி என விளக்கி, அதற்கு ரேஷ்மியும் ஒப்புக் கொண்டதால்தான் எடுத்தோம். இந்த மறுப்பை அப்போதே சொல்லியிருக்கலாம். ஆனால் படம் ரிலீசுக்குத் தயாராக உள்ளது. நல்ல பப்ளிசிட்டி முக்கியம். அதற்கு ஹீரோயின் வேண்டும். ஆனால் அவரோ இப்போது திடீரென இப்படி வில்லங்கம் செய்கிறார்..." என்கிறார் தயாரிப்பாளர்.