மீண்டும் வில்லி கதாபாத்திரம்.. இந்த முறையாவது மிரட்டுவாரா சமந்தா!

ஏற்கனவே

விஜய் மில்டன் இயக்கத்தில் விக்ரம், சமந்தா நடிப்பில் வெளியான பத்து எண்றதுக்குள்ள படம் படு தோல்வியை சந்தித்தது. அந்த படத்தில் நாயகி மற்றும் வில்லி என இரு வேடங்களில் சமந்தா நடித்திருந்தார். வில்லி வேடத்திற்காக புகை பிடித்தெல்லாம் சமந்தா நடித்தாலும் அவர் முகத்தில் வில்லத்தனமே வரவில்லை என விமர்சகர்கள் விமர்சித்து இருந்தனர்.

வாய்ப்பில்லை

பிஎஸ் மித்ரன் இயக்கத்தில் கடந்த ஆண்டு வெளியான இரும்புத்திரை படம் சமந்தாவிற்கு தமிழில் நல்ல வெற்றியை தேடித்தந்தது. அதற்கு பிறகு வெளியான, யூடர்ன், சீமராஜா மற்றும் பெரிதும் எதிர்பார்க்கப்பட்ட சூப்பர் டீலக்ஸ் உள்ளிட்ட படங்கள் சமந்தாவிற்கு தமிழில் பெரிதாக கைகொடுக்கவில்லை. அதனை தொடர்ந்து புதிய பட வாய்ப்புகளும் சமந்தாவிற்கு தமிழில் வரவில்லை. இதனால், டோலிவுட் பக்கம் திரும்பியுள்ளார்.

பாராட்டு

தியாகராஜன் குமாரராஜா இயக்கத்தில் விஜய்சேதுபதி, ஃபகத் ஃபாசில், மிஷ்கின், ரம்யா கிருஷ்ணன் சமந்தா உள்ளிட்டோர் நடித்திருந்த சூப்பர் டீலக்ஸ் படத்தில் வேம்பு கதாபாத்திரத்தில் நடித்திருந்த சமந்தாவிற்கு சர்வதேச அளவில் பாராட்டுக்கள் குவிந்தன. நியூயார்க் டைம்ஸ் பத்திரிகையும் இந்த படத்தில் சமந்தாவின் கதாபாத்திரத்தை புகழ்ந்து எழுதியிருந்தது குறிப்பிடத்தக்கது.

மீண்டும் வில்லி

நாயகியாக நடித்து வரும் சமந்தா, பத்து எண்றதுக்குள்ள படத்தை தொடர்ந்து தற்போது மனோஜ் பாஜ்பாய் நடித்து வரும் 'A Family Man' வெப்சீரிஸில் நடிக்க ஒப்பந்தமாகியுள்ளாராம். ஆனால், இந்த வெப் தொடரில் சமந்தா நெகட்டிவ் கதாபாத்திரத்தில் மிரட்ட உள்ளார் என்ற தகவல் வெளியாகியுள்ளது.