கல்யாணம் நடக்கப்போகுது... கவர்ச்சிக்கு நோ சொல்லும் சமந்தா

விரைவில் திருமணம்

இந்த ஆண்டு இறுதியில் சமந்தா-நாகசைதன்யா நிச்சயதார்த்தத்தை நடத்தவும் அடுத்த வருடம் தொடக்கத்தில் திருமணத்தை நடத்தவும் இரு வீட்டாரும் முடிவு செய்துள்ளனர். திரைப்படங்களில் சமந்தா கவர்ச்சியாக நடிப்பதற்கு நாகசைதன்யா குடும்பத்தினர் தடை விதித்துள்ளதாக தகவல் வெளியாகி உள்ளது.

கவர்ச்சி சமந்தா

ஏற்கனவே பல படங்களில் சமந்தா கவர்ச்சியாக நடித்து இருந்தார். சூர்யாவுடன் 'அஞ்சான்' படத்தின் பாடல் காட்சியொன்றில் துணிச்சலாக நீச்சல் உடையில் தோன்றி பரபரப்பு ஏற்படுத்தினார். சமந்தாவின் கவர்ச்சி நடிப்பு தமிழக ரசிகர்களுக்கு பிடிக்கவில்லை என்றாலும் தெலுங்கில் சமந்தாவின் தாராள நடிப்பு தொடர்கிறது.

ஜனதா கேரேஜ்

ஜூனியர் என்டிஆருடன் ஜனதா கேரேஜ் படத்தில் நடித்துள்ள சமந்தா, கவர்ச்சியை அள்ளி வீசியிருக்கிறாம். இதனால் பல நடிகைகள் ஆடிப்போய் இருக்கிறார்கள். இந்த நிலையில்தான் இனி கவர்ச்சியாக நடிப்பதில்லை என்று முடிவெடுத்திருக்கிறாராம் சமந்தா.

பாரம்பரிய குடும்பம்

நாக சைதன்யா வசதியான பாரம்பரிய குடும்பத்தில் இருந்து வந்தவர். இவரது தாத்தா நாகேஸ்வரராவ் பழம்பெரும் நடிகர். ஹைதராபாத்தில் சொந்தமாக ஸ்டுடியோக்கள் மற்றும் தொழில் நிறுவனங்கள் உள்ளன. புகுந்த வீட்டின் கவுரவத்தை காப்பாற்ற இனி கவர்ச்சியாக நடிப்பதில்லை என்று முடிவெடுத்திருக்கிறாராம் சமந்தா.

கவர்ச்சிக்கு நோ

தற்போது அவர் நடித்து வரும் படங்களிலும் கவர்ச்சியாக நடிக்க இயக்குனர்கள் நிர்ப்பந்திக்கின்றனர். ஆனால் நாகசைதன்யா குடும்பத்தினர் விதித்துள்ள கட்டுப்பாடு காரணமாக இயக்குநர்களின் கோரிக்கைக்கு நோ சொல்லி வருகிறார் சமந்தா.