சமந்தாவின் 2வது கணவர்.. ராஜ் நிடிமோருவின் விவாகரத்து மற்றும் சொத்து மதிப்பு பற்றி தெரியுமா?

சென்னை: தி ஃபேமிலி மேன், ஃபர்ஸி, சிட்டாடல் ஹனி பன்னி உள்ளிட்ட அமேசான் பிரைம் வெப்சீரிஸ்களை இயக்கி உலகளவில் பிரபலமானவர்கள் இயக்குநர்கள் ராஜ் மற்றும் டிகே. இரட்டை இயக்குநர்களாக இவர்கள் இணைந்து இயக்கிய தி ஃபேமிலி மேன் மற்றும் சிட்டாடல் ஹனி பன்னி உள்ளிட்ட வெப்சீரிஸ்களில் நடிகை சமந்தா நடித்திருந்தார்.

தி ஃபேமிலி மேன் சீசன் 2வில் இலங்கை போராளியாக சமந்தா நடித்த போது நிறைய சர்ச்சைகளை சந்தித்தார். ஆனால், அந்த வெப்சீரிஸ் வெளியாகி ரசிகர்கள் மத்தியில் நல்ல வரவேற்பை பெற்றது. நாக சைதன்யாவை விவாகரத்து செய்து பிரிந்த சமந்தா மயோசைடிஸ் உடல்நலக்குறைவால் பாதிக்கப்பட்டார். உடல் நலம் சரியான பின்னர், சில ஆண்டுகள் கழித்து தற்போது தனது 2வது திருமணத்தை இயக்குநர் ராஜ் நிடிமோருவுடன் செய்துக் கொண்டார்.

Photo Credit:

Samantha / Instagram

ராஜ் நிடிமோரு பற்றியும் அவரது முதல் திருமணம், சொத்து மதிப்பு உள்ளிட்ட தகவல்களை இங்கே பார்க்கலாம் வாங்க..

யார் இந்த ராஜ் நிடிமோரு: ஆந்திரப் பிரதேசத்தில் தெலுங்கு குடும்பத்தில் பிறந்த ராஜ், திருப்பதியில் ஸ்ரீ வெங்கடேஸ்வரா பல்கலைக்கழகத்தில் பொறியியல் பட்டம் பெற்றார். அமெரிக்காவிற்குச் சென்று தொழில்நுட்பத் துறையில் பணியாற்றினார். இக்காலகட்டத்தில்தான் திரைப்பட இயக்கத்தில் ஆர்வம் பெருகியது. அதே படைப்பு ஆர்வம் மிக்க கிருஷ்ணா டி.கே.வுடன் அவர் ஒன்றிணைந்தார்.

ராஜ் மற்றும் டி.கே. சுயாதீனத் திரைப்படப் படைப்பாளர்களாகத் தங்கள் பயணத்தைத் தொடங்கி, பிரதான சினிமாவுக்குள் நுழைந்தனர். ஆரம்பகால சோதனை குறும்படங்களும், சிறிய படங்களும் பெரிய திட்டங்களுக்கு வழிவகுத்தன. நகைச்சுவை, துல்லியமான அதிரடி, கணிக்க முடியாத கதாபாத்திரங்களை இணைக்கும் தனித்துவமான கதைசொல்லல் பாணிக்காக இந்த இணை அறியப்படுகிறது.

சோர் இன் தி சிட்டி, கோ கோவா கான், ஸ்த்ரீ போன்ற வெற்றிகளை இவர்கள் தந்தனர். தி ஃபேமிலி மேன், ஃபார்ஸி போன்ற பெரிய OTT வெற்றிகளுடன் ஸ்ட்ரீமிங்கிலும் கால் பதித்தனர். எழுதுதல், உலகைப் படைத்தல், வகைகளை இணைத்தலில் ராஜ் மதிக்கப்படுகிறார். டி.கே.வுடனான இவரது கூட்டணி இந்திய பொழுதுபோக்குத் துறையின் மிக வலுவானது.

முதல் மனைவி: ராஜ் நிடிமோரு கடந்த 2015ம் ஆண்டு ஷியாமலி தே என்பவரை மணந்திருந்தார். சமந்தாவுடன் காதல் ஏற்பட்ட நிலையில், 2022ல் விவாகரத்துப் பெற்றார். தனிப்பட்ட வாழ்க்கையை ரகசியம் காத்தவர், சமந்தாவுடன் நெருங்கி பழகி வந்த நிலையில், இருவரும் காதலிக்கும் தகவல்கள் கசிந்தன. முதல் மனைவி ஷியாமலி தே முன்னதாக தனது அதிருப்தியை தெரிவித்தது பலரையும் அதிர்ச்சியில் ஆழ்த்தியது.

சமந்தாவுடன் திருமணம்: நாக சைதன்யா சோபிதா துலிபாலாவை திருமணம் செய்த போது பலரும் நாக சைதன்யாவையும் சோபிதாவையும் திட்டித் தீர்த்தனர். இந்நிலையில், இன்று கோயம்புத்தூர் ஈஷா யோகா மையத்திலுள்ள லிங்க பைரவி கோயிலில் நெருங்கிய நண்பர்கள் முன்னிலையில் இந்து முறைப்படி நடிகை சமந்தா திருமணம் செய்துக் கொண்டார்.

சமந்தா மற்றும் ராஜ் சொத்து மதிப்பு: திரைப்படங்கள், OTT திட்டங்கள், தயாரிப்பு, மற்ற தொழில்கள் மூலம் ராஜின் நிகர சொத்து மதிப்பு ₹45 கோடி முதல் ₹60 கோடி ரூபாய் என மதிப்பிடப்பட்டுள்ளது. நடிகை சமந்தா பான் இந்தியா நடிகையாக வலம் வரும் நிலையில், அவரது சொத்து மதிப்பு மட்டும் 85 கோடி முதல் 100 கோடி வரை இருக்கும் என தகவல்கள் வெளியாகி உள்ளன.