எழுத்தாளராக கலக்கும் சமந்தா.. சூப்பர் த்ரில்லர் யசோதா படத்தோட அப்டேட் இதோ!

நடிகை சமந்தா

நடிகை சமந்தா 10 ஆண்டுகளுக்கும் மேலாக திரையில் சிறப்பான நடிகையாக நடித்து வருகிறார். தென்னிந்திய மொழிகளில் மட்டுமில்லாமல் பாலிவுட்டிலும் இவர் தன்னை சிறப்பான நடிகையாக நிரூபித்து வருகிறார். இந்தியில் இவரது நடிப்பில் வெளியான தி பேமிலி மேன் 2 தொடர் இவரை அடுத்த கட்டத்திற்கு நகர்த்தியுள்ளது.

காத்து வாக்குல ரெண்டு காதல் படம்

தமிழிலும் இவர் நடிப்பில் சமீபத்தில் காத்து வாக்குல ரெண்டு காதல் படம் வெளியாகி இவருக்கு தனிப்பட்ட முறையில் சிறப்பான பெயரை பெற்றுத் தந்தது. விக்னேஷ் சிவன் இயக்கத்தில் வெளியான இந்தப் படத்தில் விஜய் சேதுபதி மற்றும் நயன்தாராவுடன் இணைந்து நடித்திருந்தார் சமந்தா.

சூப்பர் குத்தாட்டம்

முன்னதாக அல்லு அர்ஜூனுடன் இணைந்து புஷ்பா படத்தில் சமந்தா போட்ட குத்தாட்டம் மிகுந்த வைரலானது. ஊ சொல்றியா மாமா என்ற அந்தப் பாடலில் தன்னுடைய கவர்ச்சி மழையை பொழிந்திருந்தார் சமந்தா. இந்தப் படத்தின் வெற்றிக்கு இந்தப் பாடலும் முக்கியமான காரணமாக அமைந்தது.

விவாகரத்து முடிவு

இந்தப் பாடலில் நடிப்பதற்கு முன்புதான் நாக சைத்தன்யாவை விவாகரத்து செய்யும் முடிவை வெளியிட்டிருந்தார் சமந்தா. இந்த செய்தி, இந்தப் பாடலுக்கு மேலும் விளம்பரத்தை கொடுத்தது. தொடர்ந்து இந்தப் பாடல் மூலை முடுக்குகளில்கூட பேமஸ் ஆனது.

யசோதா படம்

இந்நிலையில் சமந்தாவின் நடிப்பில் தமிழ் மற்றும் தெலுங்கில் உருவாகி வருகிறது யசோதா படம். இந்தப் படம் வரும் ஆகஸ்ட் 12ம் தேதி திரையரங்குகளில் ரிலீசாக உள்ளதாக முன்னதாக அறிவிக்கப்பட்டுள்ளது. இந்நிலையில் இந்தப் படத்தின் அப்டேட்டை படக்குழுவினர் வெளியிட்டுள்ளனர்.

எழுத்தாளராக சமந்தா

இந்தப் படத்தில் சமந்தா எழுத்தாளராக நடித்துள்ளார். த்ரில்லர் பாணியில் உருவாகியுள்ள இந்தப் படத்தின் டயலாக் போர்ஷன் தற்போது நிறைவடைந்துள்ளதாக படக்குழு தரப்பில் கூறப்பட்டுள்ளது. பாடல் காட்சிகளின் சூட்டிங் விரையில் நடைபெறவுள்ள நிலையில், ஆகஸ்ட் 12ம் தேதிக்குள் படம் ரசிகர்களை சந்திக்க தயாராகிவிடும் என்று எதிர்பார்க்கலாம்.

சிறப்பான போஸ்டர்கள்

இந்தப் படத்தில் சமந்தாவுடன் வரலட்சுமி சரத்குமார், உன்னி முகுந்தன், ராவ் ரமேஷ், முரளி சர்மா உள்ளிட்ட பலர் நடித்துள்ளனர். ஹரிஹரீஷ் இயக்கியுள்ள இந்தப் படத்தை ஸ்ரீதேவி மூவிஸ் சார்பில் சிவலெங்கா கிருஷ்ண பிரசாத் தயாரித்துள்ளார். படத்தின் போஸ்டர்கள் உள்ளிட்டவை வெளியாகி சிறப்பான வரவேற்பை பெற்றுள்ளன.