பள்ளி மாணவி வேடத்தில் அசத்திய கதாநாயகிகள்.

ரேவதி – கன்னி ராசி

குட்டிப் பெண்ணாய் நடிகை ரேவதி பாவடை தாவணி அணிந்து பள்ளிக்குப் போனதை பார்த்துக் கொண்டே இருக்கலாம்.

திரிஷா – ஜி, அபியும் நானும்

ஜி படத்தில் திரிஷா கும்பகோணத்தில் பள்ளிக்குச் செல்லும் குட்டிப் பெண்ணாய் பாவாடை தாவணி அணிந்திருப்பார். அதேபோல் 20 வயதிற்கு மேல் நடித்த அபியும் நானும் படத்தில் மினி ஸ்கர்ட் அணிந்த பள்ளி மாணவியாய் அசத்தியிருப்பார்.

நயன்தாரா – ஐயா

ஐயா படத்தில் அறிமுகமானவர் நயன்தாரா. ஆரம்பமே பள்ளி மாணவி தோற்றம் தான். மெரூன் கலர் தாவணி ஸ்கூல் யூனிபார்ம் அசத்தல்தான் நயன்தாராவிற்கு.

பிரியா மணி – பருத்தி வீரன்

பச்சை பாவடை தாவணியில் பருத்தி வீரன் நாயகி பிரியாமணியின் தோற்றம் சூப்பர்ல. அந்த குரலில் கம்பீரம் கூடுதலாக இருக்கும்

ரீமா சென் – வல்லவன்

வல்லவனில் ரீமா சென் பள்ளி மாணவி தோற்றத்தில் சில காட்சிகள் நடித்திருப்பார். ஆனால் அவரது முதிர்ச்சியான தோற்றத்திற்கு அந்த கெட் அப் பொருத்தமாக இருக்காது.

பூனம் பாஜ்வா – சேவல்

இயக்குநர் ஹரி இயக்கிய சேவல் படத்தில் கதாநாயகி பூனம் பாஜ்வா கிராமத்து கதாநாயகியைப் போல பாவடை தாவணியில் அசத்தியிருப்பார்.

களவாணி – ஓவியா

2000 வரை வெளியான படங்களில் பாவடை தாவணி என்றால் அப்புறம் பள்ளி மாணவிகளுக்கு சுடிதார்தான் யூனிபார்ம். களவாணி படத்தில் ஓவியா ரெட்டை ஜடை போட்டு சுடிதார் அணிந்த பட்டாம் பூச்சியாய் வலம் வருவார்.

மல்லிகா – ஆட்டோகிராப்

ஆட்டோ கிராப் படத்தில் பள்ளி பருவத்து நினைவுகளை பதிவு செய்திருப்பார் சேரன். அதில் கதாநாயகி மல்லிகா முதலில் பாவடை சட்டையும், பருவத்தை எட்டிய உடன் பாவடை தாவணியுமா கிராமத்து மாணவியாக வலம் வந்திருப்பார்.

சுருதிஹாசன் – 3

கிளாமர் குயின் ரேஞ்சுக்கு நடித்து வரும் சுருதி ஹாசன் 3 படத்தில் ரெட்டை ஜடை அணிந்து சுடிதார் போட்ட பட்டாம் பூச்சியாய் நடித்திருப்பார். பள்ளி மாணவி கெட் அப் சுருதிக்கு அசத்தலாய் செட் ஆகியிருக்கும்.

ஹன்சிகா – சிங்கம் 2

சிங்கம் 2 படம் இன்னமும் ரிலீஸ் ஆகவில்லை. இதுவும் ஹரியின் படம்தான். இதில் கதாநாயகி ஹன்சிகாவிற்கு பள்ளி மாணவி கெட் அப் போட்டிருக்கிறாம். எப்படி இருக்கிறது என்பது படம் வெளியான பின்னர்தான் தெரியும்.