டிவியில வசனம் பேசுறது முக்கியம் இல்லை..நேர்ல செய்யணும்.. ஷில்பா ஷெட்டியை சீண்டிய ஷெர்லின் சோப்ரா!

ஒண்ணுமே தெரியாதா

ராஜ் குந்த்ரா கைது செய்யப்பட்ட நிலையில், நடிகை ஷில்பா ஷெட்டி போலீசாரிடம் தனது வாக்குமூலத்தை கொடுத்தார். அப்போது, கணவர் தொழில் குறித்து எதுவும் தனக்கு தெரியாது என்றும், தான் தனது வேலைகளில் பிசியாக இருந்ததாகவும் கூறினார். இதை அறிந்த ஆபாச பட நடிகை ஷெர்லின் சோப்ரா கணவர் செய்யும் தொழில் எதுவுமே தனக்கு தெரியாது என சொல்வது நம்பும்படியாக இல்லை அக்கா.. என ஷில்பா ஷெட்டியை சமீபத்தில் சீண்டி இருந்தார்.

சீண்டிய ஷெர்லின்

இந்நிலையில், மீண்டும் ஒரு ட்விட்டர் பதிவை போட்டு ஷில்பா ஷெட்டி மற்றும் ராஜ் குந்த்ராவை அதில் டேக் செய்து சீண்டியுள்ளார் நடிகை ஷெர்லின் சோப்ரா. பெண்கள் முன்னேற்றத்திற்காக டிவியில் பேசுவது பெரிதல்ல என்றும் களத்தில் இறங்கி ஏதாவது செய்யலாமே ஷில்பா ஷெட்டி என்றும் கூறியுள்ளார்.

ஜான்சி ராணி

ஜான்சி ராணி போல டிவியில் நீங்கள் பேசும் வசனம் நல்லா இருந்தாலும், அது ரியாலிட்டிக்கு உதவாது. உண்மையாகவே கஷ்டப்படும் ஏழைப் பெண்களுக்கு களத்தில் இறங்கி உதவி செய்தால் ஒட்டுமொத்த உலகமும் உங்களை கை எடுத்து கும்பிடும் இது சத்தியம் என்று சமீபத்தில் மீடியா ஒன்றுக்கு ஷெர்லின் சோப்ரா அளித்த பேட்டியின் வீடியோவை ஷேர் செய்து ட்வீட் செய்துள்ளார்.

ஏதோ இருக்கு

இப்படி தொடர்ந்து ஷில்பா ஷெட்டியை திட்டமிட்டே சீண்டி ஷெர்லின் சோப்ரா சீண்டி வருவதை பார்த்த நெட்டிசன்கள், உங்களுக்கும் ஷில்பா ஷெட்டிக்கும் இடையே என்ன பிரச்சனை என்றும், ராஜ் குந்த்ரா விவகாரத்தில் ஷில்பா ஷெட்டியின் பங்கு என்னமோ பெருசா இருக்கு? அதனால் தான் ஷெர்லின் விடாது அவரை சீண்டி வருகிறார் என்றும் நெட்டிசன்கள் கேள்விகளை எழுப்பி வருகின்றனர்.