பீஸ்ட் 'ஜாலியோ ஜிம்கானா' பாடலுக்கு... ஜாலியாக ஆட்டம் போட்ட ஷிவானி !

ஷிவானி நாராயணன்

தனியார் தொலைக்காட்சியில் ஒளிபரப்பான பிக்பாஸ் மூலம் மிகவும் பிரபலமானவர் ஷிவானி நாராயணன். முன்னதாக அவர் விஜய் டிவியில் ஒளிபரப்பான பகல் நிலவு, இரட்டை ரோஜா ஆகிய சீரியல்களில் ஹீரோயினாக நடித்தார். மேலும் கார்த்திக் சாயிஷா நடித்த கடைக்குட்டி சிங்கம் திரைப்படத்தில் கார்த்திக்கின் முறைபெண்ணாக நடித்திருந்தார்.

பிக்பாஸ்

இவர் தினமும் இன்ஸ்டாகிராமில் அழகழகான புகைப்படங்களை பதிவிட்டு ரசிகர்களைக் கவர்ந்து வருகிறார். இதற்கிடையில் நடிகை ஷிவானி நாராயணன் பிக்பாஸ் சீசன் 4 நிகழ்ச்சியில் போட்டியாளராக கலந்துக்கொண்டார். ஏற்கனவே தனது இன்ஸ்டாகிராம் வீடியோ மூலம் அதிக ரசிகர்களை பெற்ற ஷிவானி, பிக்பாஸ் வீட்டிற்குள் சென்ற பிறகு அனைவரின் மனதையும் கவர்ந்தார். ஷிவானி தற்போது கமலின் விக்ரம் படத்தில் நடித்து வருகிறார்.

இணையத்தில் ஆக்டிவ்

தற்போது இவர் தொடர்ந்து சமூக ஊடகங்களில் கவர்ச்சியான விதவிதமான புகைப்படங்களை பதிவிட்டு வருகிறார். அதோடு நடன வீடியோக்களையும் அவ்வப்போது பகிர்ந்து வருகிறார். தற்போது, பீஸ்ட் திரைப்படத்தில் வரும் 'ஜாலியோ ஜிம்கானா' பாடலுக்கு ஸ்லீவ்லஸ் பனியனுடன் குட்டி டவுசரில் ஆட்டம் போட்டுள்ளார். கவர்ச்சி உடையில் அவர் ஆடிய உள்ள டான்ஸ் வீடியோவுக்கு லட்சகணக்கில் லைக்ஸ்களும் ஆயிரக்கணக்கில் கமெண்ட்ஸ்களும் குவிந்து வருகின்றன.

பீஸ்ட்

தளபதி விஜய் நடித்த பீஸ்ட் திரைப்படம் வரும் 13ஆம் தேதி உலகம் முழுவதும் வெளியாக உள்ளது. இந்த படத்தில் இடம்பெற்ற அரபிக்குத்து மற்றும் ஜாலியோ ஜிம்கானா பாடல்கள் ஏற்கனவே வெளியாகி உலகம் முழுவதும் வைரலாகி அனைவரையும் ஆட்டம் போட வைத்துள்ளது.