Click it and Unblock the Notifications
புலி படத்துக்காக விஜய்யுடன் இணைந்து பின்னணி பாடிய ஸ்ருதி ஹாஸன்
சிம்பு தேவன் இயக்கத்தில் விரைவில் வெளிவரவிருக்கும் புலி படத்துக்காக ஒரு பாடலை விஜய்யுடன் இணைந்து பாடியுள்ளார் ஸ்ருதி ஹாஸன்.
தனது ஆரம்பகாலப் படங்களிலிருந்தே சொந்தக் குரலில் பாடி வருகிறார் விஜய். அவர் பாடிய அனைத்துப் பாடல்களுமே பெரிய ஹிட் ரகம்தான். அதேபோல ஸ்ருதி ஹாஸன் முறைப்படி இசை கற்றவர். ஒரு படத்துக்கு இசையமைத்தது மட்டுமல்ல, அடிக்கடி சொந்தக் குரலில் பாடி வருகிறார்.
புலி திரைப்படத்தில் முதல் முறையாக ஜோடி சேர்ந்துள்ள விஜய்யும் ஸ்ருதி ஹாஸனும் இணைந்து ஒரு டூயட் பாடலுக்கு குரல் கொடுத்துள்ளனர்.
ஏற்கெனவே விஜய்யும் ப்ரியங்கா சோப்ராவும் தமிழன் படத்துக்காக ஒரு டூயட் பாடலைப் பாடி நடித்திருந்தனர். அதற்குப் பிறகு இப்போதுதான் நாயகன் நாயகி இருவருமே பின்னணிப் பாடி நடித்துள்ள பாடல் வருகிறது. இந்த இரண்டு பாடல்களையுமே விஜய் பாடியிருக்கிறார் என்பது சிறப்பு.
'கறுப்பு வெள்ளை பட காலத்தில்தான் ஹீரோ ஹீரோயின் திரைக்குப் பின்னாலும், திரையிலும் சொந்தக் குரலில் பாடி நடித்தனர். அதன் பிறகு அப்படி ஒரு நிகழ்வு விஜய் படங்களில்தான் நடந்திருக்கிறது,' என்கிறார் தயாரிப்பாளர் பிடி செல்வகுமார் பெருமிதத்துடன்!
Continue with Google