பச்சை புடவையில் பளபளக்கும் கன்னக்குழி அழகி ஸ்ருஷ்டி டாங்கே!

டார்லிங்

பெரிய அளவில் ஹிட் படங்களில் நடிக்கவில்லை என்றாலும் மிக சிறிய படங்களில் நடித்தும் இப்போது தமிழ் சினிமாவில் பிரபலமான நடிகை என்ற இடத்தை பிடித்துள்ளார் நடிகை ஸ்ருஷ்டி டாங்கே. தனது கன்னக்குழி அழகு மூலம் தனித்துவமான நடிகையாக ரசிகர்களை கொள்ளையடித்து வரும் இவர் நடிப்பிலும் நடனத்திலும் மிகவும் திறமை வாய்ந்தவராக உள்ளார். மேகா, டார்லிங் உள்ளிட்ட படங்களில் நடித்ததன் மூலம் தமிழ் சினிமாவில் பிரபலமாக அறியப்பட்ட இவர் இயக்குனர் சரவணன் இயக்கத்தில் கத்துக்குட்டி என்ற படத்தில் மிகவும் சவாலான கதாபாத்திரத்தை ஏற்று நடித்து பாராட்டுக்களைப் பெற்றார்

சர்வைவர் நிகழ்ச்சியில்

பட வாய்ப்புகள் சரிவர இல்லை என்பதால் சின்னத்திரையிலும் கால் தடத்தை பதித்து வரும் ஸ்ருஷ்டி சர்வைவர் நிகழ்ச்சியில் போட்டியாளராக கலந்து கொண்டார். ஆளில்லாத தனித் தீவில் நடக்கும் இந்தப் போட்டியில் தொடர்ந்து நிலைப்பார் என எதிர்பார்க்கப்பட்ட சூழலில் முதல் ஆளாக போட்டியிலிருந்து வெளியேற்றப்பட்டார். இப்பொழுது மீண்டும் படங்களில் நடிக்கத் தொடங்கி யுள்ள ஸ்ருஷ்டி ஸ்ரீகாந்துக்கு ஜோடியாக புதிய திரைப்படத்தில் நடித்து வருகிறார்

தி பெட்

வெத்துவேட்டு பட இயக்குனர் மணிபாரதி இயக்கத்தில் ஸ்ரீகாந்த் விஜய் டிவி பப்பு ஆகியோர் ஹீரோவாக நடித்து வரும் தி பெட் திரைப்படம் ஹாரர் த்ரில்லர் கதை களத்தில் உருவாகி வருகிறது . இப்படத்தின் டைட்டில் போஸ்டர் சமீபத்தில் வெளியாகி அமோக வரவேற்பை பெற்றது.

பார்க்கப் பார்க்க திகட்டாத

நடித்தால் கதாநாயகியாக மட்டும்தான் நடிப்பேன் என்றெல்லாம் இல்லாமல் சிறப்பு தோற்றம், இரண்டாவது கதாநாயகி என எந்த ரோல் கிடைத்தாலும் அதில் முழு மூச்சுடன் நடித்து வரும் ஸ்ருஷ்டி டாங்கே சமீப காலமாக கவர்ச்சியிலும் தாராளம் காட்டி வருகிறார். இந்த நிலையில் சமூக வலைதளங்களில் இவர் வெளியிடும் புகைப்படங்கள் தொடர்ந்து வைரலாகி வர இப்பொழுது அழகிய பச்சை பட்டு புடவையில் பார்க்கப் பார்க்க திகட்டாத அழகில் பளபளக்கும் அழகிய புகைப்படங்களை தற்போது வெளியிட்டுள்ளார். ஒரு புறம் எவ்வளவு கொடுத்தாலும் ஈடு இணையில்லாத கன்னக்குழி அழகு மறுபுறம் மயில் மூக்குத்தி என பார்க்கப் பார்க்க திகட்டாத இந்த ஃபெஸ்டிவல் மோட் பட்டுப்புடவை புகைப்படங்கள் ரசிகர்களின் கவனத்தை வெகுவாக ஈர்த்து வருகிறது.