சூர்யாவின் அடுத்தபட ஜோடியாகியார் அழகு மஞ்சு வாரியர்

சூர்யாவின் சொந்த தயாரிப்பு

இப்படத்தை அடுத்து 2டி நிறுவனத்தின் இரண்டாவது படமாக உருவாகும் படத்தையே விக்ரம் குமார் இயக்குகிறார். தன்னுடைய புதிய பேனரில் சூர்யா தயாரித்து நடிக்கும் முதல் படம் என்ற பெருமையும் இப்படத்துக்கு கிடைத்திருக்கிறது. விக்ரம்குமார் தெலுங்கிலும் வெற்றிப்பட இயக்குநராக இருப்பதால், சூர்யா நடிக்கும் படத்தை தமிழ் தெலுங்கு என இரண்டு மொழிகளில் தயாரிக்க உள்ளனர்.

மஞ்சு வாரியார்

இப்படத்தில் 14 வருடங்கள் கழித்து மீண்டும் தனது சினிமா வாழ்க்கையை தொடங்கியிருக்கும் மலையாள நடிகை மஞ்சு வாரியர் சூர்யாவின் ஜோடியாக நடிப்பார் என தகவல்கள் வெளியாகியுள்ளன.

திலீப் உடன் திருமணம்

1995ல் தனது சினிமா வாழ்க்கையை தொடங்கிய இவர் மலையாள சினிமாவின் முன்னணி ஹீரோக்கள் எல்லாருடனும் நடித்தார். திலீப்புடன் நடிக்கும் போது மஞ்சுவிற்கு, காதல் மலர்ந்தது. 1999ல் சினிமாவை துறந்து திருமண வாழ்க்கையில் இணைந்தார்.

முறிந்த திருமணம்

ஒரு பெண் குழந்தைக்கு தாயும் ஆனார். ஆனால் இவர்களது 15 ஆண்டுகால திருமண வாழ்க்கை முறிந்து போனது.

விளம்பரப்படத்தில் வரவேற்பு

சினிமாவை விட்டு விலகி இருந்த இவரை கல்யாண் ஜுவல்லர் விளம்பரத்தின் மூலம் மீண்டும் நடிக்க வைத்தனர். அந்த விளம்பரம் நல்ல வரவேற்ப்பை பெற்றதை அடுத்து இனி சினிமாவில் தொடர்ந்து நடிக்க முடிவு செய்தார்.

இரண்டாம் பயணம்

இதன் மூலம் தனது இரண்டாம் சினிமா பயணத்தை மலையாளத்தில் தொடங்கிய இவர் ‘ஹவ் ஓல்டு ஆர் யூ' என்ற படத்தில் நடித்தார் படம் சூப்பர் டூப்பர் ஹிட் ஆகியதால் இவருக்கு வாய்ப்புகள் வந்து குவியத்துவங்கியுள்ளது.

கிலி பிடித்த சேச்சிகள்

கேரள சினிமாவின் முன்னணி ஹீரோயின்களே இந்த ஹிட்டினால் கிலி பிடித்திருக்கிறார்கள். இந்த அச்சத்தை மேலும் அதிகப்படுத்துவதை போல கதைகள் கேட்டுக் கொண்டிருக்கிறார் மஞ்சு. அதில் தமிழ் படங்களும் அடக்கம் என்கின்றனர்.

கைவசம் 10 படங்கள்

ஆனால் படத்தின் கதை, கதாபாத்திரம் அறிந்து அதன் பிறகுதான் ஒப்பந்தத்தில் கையெழுத்திடுகிறாராம். தற்போதுவரை இவர் கையில் 10 படங்களுக்குமேல் உள்ளதாக கூறப்படுகிறது. இதில் தமிழ், தெலுங்கு, கன்னடம், மலையாளம் என அனைத்துமே அடங்கும்.

நாகர்ஜூனா ஜோடி

தெலுங்கில் நானி, நாகார்ஜுனா இவர்களுடனும் தமிழில் சூர்யாவுடனும் சேர்ந்து நடிக்கவிருப்பதாக தகவல்கள் கூறுகின்றன.

சூர்யா ஜோடியாக

விக்ரம் குமார் இயக்கத்தில் சூர்யா நடிக்கும் தமிழ், தெலுங்கு படத்தில் தான் மஞ்சுவாரியார் நடிக்கப்போகிறாராம். ஆனால் இதை மஞ்சு வாரியர் இன்னும் உறுதி செய்யவில்லை என்கின்றனர்.