இன்னும் ரஜினியோட நடிக்க வேண்டியிருக்கு.. அதுக்குள்ள கல்யாணமா? - த்ரிஷா கோபம்

திருமணம்

திரிஷாவுக்கு விரைவில் திருமணம் நடக்கப் போவதாக செய்திகள் அடிக்கடி வெளியாவது வழக்கம். இப்போதும் அவருக்கு குடும்பத்தினர் மாப்பிள்ளை பார்ப்பதாக செய்திகள் வெளியாகின.

மறுப்பு

ஆனால் த்ரிஷா அதை வழக்கம் போல மறுத்துள்ளார். இந்த முறை இதற்கு அவர் கூறியுள்ள காரணமும் சுவாரஸ்யமானது. நான் திருமணம் செய்து கொள்ளப் போவதாக அடிக்கடி செய்திகள் வருகிறது. இதில் உண்மை இல்லை.

விரும்பும் போது

திருமணம் பற்றி இன்னும் முடிவு செய்ய வில்லை. திருமணம் செய்து கொள்ள எப்போது விரும்புகிறேனோ அப்போது அதை உடனடியாக ரசிகர்களுக்கு தெரிவிப்பேன்.

ரஜினியுடன்

தமிழ், தெலுங்கில் முன்னணி நடிகர்களுடன் நடித்து விட்டேன். ரஜினியுடன் மட்டும் நடிக்கவில்லை. அது நிறைவேறினால் மகிழ்ச்சி அடைவேன். அதற்குள் நிச்சயம் திருமணம் செய்ய மாட்டேன்.

இந்திப் படங்களில்

இந்தி படங்களில் நடிப்பது கஷ்டமாக உள்ளது. இந்தி படத்தில் நடிக்கும் போது நிறைய நாட்கள் அங்கேயே தங்க வேண்டி இருக்கிறது.

உண்மைல்ல

தமிழில் தயாராகும் குயின் படத்தில் நான் நடிக்கப் போவதாக கூறப்படுவது உண்மையல்ல. அதில் நடிக்க யாரும் என்னை அணுகவில்லை. கதாநாயகிக்கு முக்கியத்துவம் உள்ள கதையம்சம் உள்ள படங்களில் நடிக்கவே விரும்புகிறேன்.