நயன்தாரா, சமந்தாவை விட கம்மியா.. பர்த்டே பேபி த்ரிஷாவின் சொத்து மதிப்பு எத்தனை கோடி தெரியுமா?

39 வயதினிலே

1983ம் ஆண்டு மே 4ம் தேதி சென்னையில் கிருஷ்ணன் மற்றும் உமா தம்பதிக்கு மகளாக பிறந்தவர் நடிகை த்ரிஷா. சர்ச் பார்க் அருகே உள்ளா சேக்ரட் ஹார்ட் மெட்ரிகுலேஷன் பள்ளியில் பள்ளிப் படிப்பை முடித்த த்ரிஷா, எத்திராஜ் கல்லூரியில் பிபிஏ பட்டம் பெற்றார். மாடலிங் ஆர்வம் கொண்ட இவர், 1999ம் ஆண்டு மிஸ் சென்னை, மிஸ் சேலம் உள்ளிட்ட அழகிப் போட்டிகளில் கலந்து கொண்டார்.

தோழி டூ ஹீரோயின்

1983ம் ஆண்டு மே 4ம் தேதி சென்னையில் கிருஷ்ணன் மற்றும் உமா தம்பதிக்கு மகளாக பிறந்தவர் நடிகை த்ரிஷா. சர்ச் பார்க் அருகே உள்ள சேக்ரட் ஹார்ட் மெட்ரிகுலேஷன் பள்ளியில் பள்ளிப் படிப்பை முடித்த த்ரிஷா, எத்திராஜ் கல்லூரியில் பிபிஏ பட்டம் பெற்றார். மாடலிங் ஆர்வம் கொண்ட இவர், 1999ம் ஆண்டு மிஸ் சென்னை, மிஸ் சேலம் உள்ளிட்ட அழகிப் போட்டிகளில் கலந்து கொண்டார்.

டாப் ஹீரோயின்

சிம்ரனுக்கு பிறகு தமிழ் சினிமாவின் முன்னணி நடிகையாக மாறினார் நடிகை த்ரிஷா. இன்னமும் தென்னிந்தியாவின் முன்னணி நடிகையாக அசத்தி வருகிறார். 2003ம் ஆண்டு வெளியான சாமி திரைப்படம் மிகப்பெரிய வெற்றியை இவருக்கு கொடுத்தது. அந்த ஆண்டில் மட்டும் மனசெல்லாம், சாமி, லேசா லேசா, அலை, எனக்கு 20 உனக்கு 18 என பல படங்கள் த்ரிஷா நடிப்பில் வெளியாகின.

விஜய்யுடன்

2004ம் ஆண்டு விஜய் நடிப்பில் வெளியான கில்லி படத்தில் தனலட்சுமி கதாபாத்திரத்தில் நடித்திருந்தார் த்ரிஷா. முத்துப்பாண்டி பிரகாஷ் ராஜை போல ஒட்டுமொத்த தமிழ்நாடும் செல்லம் செல்லம் என த்ரிஷாவை கொஞ்சியது. 2005ம் ஆண்டு மீண்டும் விஜய்க்கு ஜோடியாக திருப்பாச்சி படத்தில் நடித்து மிகப்பெரிய வெற்றி கண்டார். 2006ல் ஆதி, 2008ல் குருவி என தொடர்ந்து விஜய்க்கு ஜோடியாக த்ரிஷா நடித்துள்ளார்.

ஜெஸ்ஸி, ஜானு

சாமி மாமி, கில்லி தனலட்சுமியை மறக்கடிக்கும் விதமாக விண்ணைத் தாண்டி வருவாயா ஜெஸ்ஸி கதாபாத்திரம் த்ரிஷாவுக்கு நச்சென பொருந்தியது. அதன் பிறகு பல படங்களில் அவர் நடித்திருந்தாலும் விஜய்சேதுபதி உடன் அவர் நடித்த 96 திரைப்படத்தின் ஜானு கதாபாத்திரம் இன்னமும் ரசிகர்கள் நெஞ்சில் "யமுனை ஆற்றிலே" பாடலை பாடிக் கொண்டிருக்கிறது.

த்ரிஷாவின் சம்பளம்

நடிகை த்ரிஷா ஒரு படத்துக்கு 3 முதல் 4 கோடி வரை தற்போது சம்பளம் வாங்குகிறார் என்றும் ஆண்டுக்கு அதிகபட்சமாக 8 கோடி வரை விளம்பரங்கள் உள்ளிட்டவை மூலம் சம்பாதிப்பதாகவும் தகவல்கள் தெரிவிக்கின்றன. மணிரத்னம் இயக்கத்தில் நடித்துள்ள பொன்னியின் செல்வன் படத்திற்கு பெரிய தொகை வழங்கப்பட்டு இருப்பதாகவும் கூறுகின்றனர்.

த்ரிஷாவின் சொத்து மதிப்பு

2002ம் ஆண்டு முதல் 2022ம் ஆண்டு வரை முன்னணி நடிகையாக சுமார் 20 ஆண்டுகள் தமிழ், தெலுங்கு மற்றும் மலையாளம் உள்ளிட்ட மொழிகளில் நடித்து வரும் நடிகை த்ரிஷாவின் மொத்த சொத்து மதிப்பு 75 முதல் 80 கோடி வரை இருக்கும் என தகவல்கள் வெளியாகி உள்ளன. சென்னை மற்றும் ஹைதராபாத்தில் அவருக்கு வீடுகள் உள்ளன.

Recommended Video

'Trisha மாதிரி நடிச்சிருக்க முடியாது' - Manju Warrier Throw back Interview | Filmibeat Tamil

சமந்தா, நயன்தாரா அதிகம்

நடிகை த்ரிஷாவை விட நடிகை சமந்தா மற்றும் நயன்தாராவின் சொத்து மதிப்பு அதிகம் எனக் கூறப்படுகிறது. சமந்தாவிடம் 84 கோடி வரை சொத்துக்கள் உள்ளதாகவும், நயன்தாராவின் சொத்து மதிப்பு 100 கோடிக்கும் மேல் உள்ளதாகவும் கூறுகின்றனர். விஜய், அஜித், ரஜினிகாந்த் போன்ற நடிகர்கள் தற்போது ஒரு படத்துக்கே 100 கோடிக்கு மேல் சம்பளம் வாங்கும் நிலையில், நடிகைகளின் சொத்து மதிப்பு குறைவு தான் என்றும் அவர்களுக்கான சம்பளமும் உயரத்தப்பட வேண்டும் என்றும் பேச்சுக்கள் எழுந்துள்ளன.