ஜெயம் ரவிக்கு அமலா பால் இல்லையாம், திரிஷாதானாம்!

ஜெயம் ரவியின் பூலோகம் படத்தில் அவருக்கு ஜோடியாக அமலா பால் இல்லை த்ரிஷா நடிக்கிறார். அதற்கான ஒப்பந்ததமும் கையெழுத்தாகிவிட்டது.

புதுமுக இயக்குனரான கல்யாண் கிருஷ்ணா ஜெயம் ரவியை வைத்து எடுக்கும் படம் பூலோகம். இதில் ரவிக்கு ஜோடியாக நயன்தாரா நடிப்பார் என்று முதலில் பேசப்பட்டது. அடுத்து என்ன ஆனதோ ஏது ஆனதோ நயன் கிடையாது மைனா அமலா பால் தான் நடிக்கப் போகிறார் என்று கூறப்பட்டது.

இப்போது ரவி ஜோடி அமலா பாலும் இல்லையாம். அதற்கு பதில் ரவியுடன் ஏற்கனவே ஜோடி போட்ட த்ரிஷா தான் மறுபடியும் ஜோடி சேர்கிறார். இது வெறும் தகவல் இல்லை. ஒப்பந்தம் போட்டு அதில் த்ரிஷா கையெழு்ததும் போட்டிவி்ட்டாராம். அதனால் இனி பூலோகத்தின் நாயகி த்ரிஷா மட்டுமே.

இந்த படத்தின் ஷூட்டிங் வரும் 20ம் தேதி துவங்குகிறது. இந்த படத்திற்காக சென்னை சினிமா ஸ்டுடியோ ஒன்றில் பிரம்மாண்ட மார்க்கெட் செட் போட்டுள்ளார்களாம். இந்த படத்தை ஆஸ்கார் ரவிச்சந்திரன் தயாரிக்கிறார். பெரிய்ய்ய பட்ஜெட் படம் என்று கூறப்படுகிறது.