Trisha: மகாராணி கணக்கா எவ்வளவு தோரணையா த்ரிஷா இருக்காங்க பாருங்க.. சவுத் குயின்னு சும்மாவா சொன்னாங்க?

சென்னை: சென்னை: தமிழ் சினிமாவில் இரண்டு தசாப்தங்களுக்கும் மேலாக முன்னணி நடிகையாக தனது இடத்தை தக்க வைத்திருப்பவர் நடிகை த்ரிஷா. காலம் மாறினாலும், தலைமுறை மாறினாலும் ரசிகர்களின் மனதில் அதே வரவேற்பை பெற்று வரும் நடிகைகளில் த்ரிஷாவுக்கு தனி இடம் உண்டு. தற்போது அவர் பகிர்ந்துள்ள புதிய போட்டோஷூட் புகைப்படங்கள் சமூக வலைதளங்களில் வேகமாக வைரலாகி வருகின்றன. "மகாராணி மாதிரி இருக்காங்க", "சவுத் குயின் என்ற பட்டம் சும்மா வரல" என ரசிகர்கள் புகழ்ந்து தள்ளி வருகின்றனர்.

அடர் சிவப்பு நிற ஸ்ட்ராப்லெஸ் கவுனில், மிகவும் நேர்த்தியான நகைகளுடன், ராஜ கம்பீரமான தோற்றத்தில் த்ரிஷா போஸ் கொடுத்துள்ளார். மரத்தால் வடிவமைக்கப்பட்ட இன்டீரியர், விண்டேஜ் லெதர் சோஃபா, மலர் வடிவ வால்பேப்பர் என முழு செட்டப்பும் அவரது லுக்கை இன்னும் பிரமாண்டமாக காட்டுகிறது. குறிப்பாக அவர் அமர்ந்திருக்கும் போஸும், நின்றபடி கீழே பார்த்துக் கொண்டிருக்கும் தோற்றமும், கேமராவை நேராக பார்த்து கொடுத்துள்ள க்ளோஸ்-அப் புகைப்படமும் ரசிகர்களின் கவனத்தை ஈர்த்துள்ளன.

த்ரிஷாவின் இந்த லுக்கில் மேக்கப்பும் மிக எளிமையாகவே அமைந்துள்ளது. அதிக அலங்காரம் இல்லாமல், மென்மையான மேக்கப், நேராக விடப்பட்ட தலைமுடி, ரூபி நிற ஆபரணங்கள் என ஒட்டுமொத்தமாக ராயல் லுக் கொடுத்திருப்பதாக ரசிகர்கள் கமெண்ட் செய்து வருகின்றனர். "வயசே ஆகாத நடிகை", "இன்னும் முதல் நாள் ஹீரோயின் மாதிரி இருக்காங்க", "எப்பவுமே எவர்கிரீன் பியூட்டி" என்ற கருத்துகளும் இணையத்தில் குவிந்து வருகின்றன.

View this post on Instagram

A post shared by Trish (@trishakrishnan)

சவுத் குயின்: தற்போது தமிழ், தெலுங்கு உள்ளிட்ட மொழிகளில் பிஸியான நடிகையாக இருக்கும் த்ரிஷா, பல பெரிய படங்களில் தொடர்ந்து நடித்து வருகிறார். அனுபவமும், மார்க்கெட்டும், ரசிகர் பட்டாளமும் குறையாமல் தொடர்ந்து முன்னணியில் இருப்பதால், அவரை "சவுத் குயின்" என்று ரசிகர்கள் அழைப்பதும் வழக்கமாகிவிட்டது. இந்த புதிய போட்டோஷூட் அந்த பட்டத்திற்கு ஏற்ற கம்பீரத்தை மீண்டும் நிரூபித்துள்ளதாக ரசிகர்கள் பாராட்டி வருகின்றனர்.

விஜய் பிறந்தநாள் கொண்டாட்டம் பரபரப்பு: அண்மையில் தமிழ்நாடு முதலமைச்சர் விஜய்யின் பிறந்தநாளை மிகவும் ஸ்பெஷலாக த்ரிஷா கொண்டாடியிருந்தது சமூக வலைதளங்களில் மிகப்பெரிய பேசுபொருளாக மாறியது. பிறந்தநாள் வாழ்த்துகளுடன் அவர் பகிர்ந்த புகைப்படங்கள் ரசிகர்கள் மத்தியில் வைரலானதோடு, பல்வேறு விவாதங்களுக்கும் வழிவகுத்தது. அந்த பரபரப்பு இன்னும் முழுமையாக அடங்காத நிலையில், தற்போது த்ரிஷாவின் இந்த புதிய ராயல் போட்டோஷூட் இணையத்தில் வெளியாகி மீண்டும் ரசிகர்களின் கவனத்தை முழுமையாக தன் பக்கம் திருப்பியுள்ளது. "குயின் இஸ் பேக்", "ராணி லெவல் ஸ்டைல்" என்று ரசிகர்கள் சமூக வலைதளங்களில் தொடர்ந்து பகிர்ந்து வருகின்றனர்.