Don't Miss!
- News ஈரான் நினைத்தால்.. சில நாட்களில் அணு ஆயுதங்களை தயாரிக்கலாம்.. அஞ்சும் அமெரிக்கா.. என்ன நடக்குது?
- Technology மிரட்டும் 3 கண் கேமரா.. இதில் 1" இன்ச் ரிட்ராக்டபிள் கேமராவும் இருக்கு.. தூள் பறக்குது HUAWEI Pura 70 Ultra..
- Lifestyle இந்த அறிகுறிகள் காலை வேளையில் தெரியுதா? அப்ப கல்லீரல் ஆபத்தில் இருக்கு-ன்னு அர்த்தம்.. உஷார்..
- Finance பருவநிலை மாற்றத்தால் உலகமே வறுமையில் வாடப் போகிறது – எச்சரிக்கும் ஆய்வறிக்கை
- Automobiles நடிகர் தனுஷ் ஓட்டு போட வந்த காரின் விலை என்ன தெரியுமா? இவ்வளவு காஸ்ட்லியான காரா இது?
- Sports "மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
முதன் முதலாக கிளாமர் இல்லாத கேரக்டர்.. தமிழ் ரீமேக்கில் நடிக்கும் பிரபல ஹீரோயின் மகிழ்ச்சி!
மும்பை: தமிழ் படத்தின் ரீமேக்கில் முதன்முறையாக கிளாமர் இல்லாத கேரக்டரில் நடிக்கிறேன் என்று பிரபல ஹீரோயின் தெரிவித்துள்ளார்.
சுசி கணேசன் இயக்கி தமிழில் ஹிட்டான படம், திருட்டுப் பயலே 2. இதில் பாபி சிம்ஹா, அமலா பால், பிரசன்னா உட்பட பலர் நடித்திருந்தனர்.
இந்தப் படத்தின் விறுவிறுப்பான திரைக்கதை, ரசிகர்களால் பேசப்பட்டது. இந்தப் படம் இந்தியில் ரீமேக் ஆகிறது.
பெண்குயின் டிரைலர் ரிலீஸ்.. மகனை காப்பாற்ற சைக்கோ கொலைகாரனுடன் போராடும் ஒரு தாயின் கதை!
ஊர்வசி ரவ்தெலா
தமிழில் இயக்கிய சுசி கணேசன், இந்தியில் தயாரித்து இயக்குகிறார். பாபி சிம்ஹா நடித்த கேரக்டரில் வினீத்குமார் சிங், அமலா பால் கேரக்டரில் ஊர்வசி ரவ்தெலா, பிரசன்னா நடித்த கேரக்டரில் அபிஷேக் ஓபராய் நடிக்கின்றனர். தமிழில், சுசி கணேசன் நடித்த கேரக்டரில் ரங்கராஜ் பாண்டே நடிக்கிறார்.
லாக்டவுன்
இதன் ஷூட்டிங் லக்னோ மற்றும் வாரணாசியில் நடந்துள்ளது. இன்னும் பெயர் வைக்கப்படாத இந்தப் படத்தின் ரிலீஸ், லாக்டவுன் காரணமாகத் தள்ளி வைக்கப்பட்டுள்ளது. இந்நிலையில், இந்தப் படத்தில், முதன் முறையாக கிளாமர் இல்லாத கேரக்டரில் நடித்திருக்கிறேன் என்று தெரிவித்திருக்கிறார், நடிகை ஊர்வசி ரவ்தெலா. அவர் கூறியிருப்பதாவது:
எனக்கே வித்தியாசம்
நான் காமெடி, திகில், ரொமான்டிக் படங்களில் நடித்திருக்கிறேன். இந்தப் படத்தில் இதுவரை நடித்திராத கேரக்டரில் நடிக்கிறேன். இது எனக்கே வித்தியாசமாக இருந்தது. மற்ற படங்களில் என்னை பார்த்ததை விட, இதில் குர்தா, சேலை அணிந்தே நடித்திருக்கிறேன். கிளாமர் இல்லாத கேரக்டர். ஷூட்டிங், வாரணாசி, லக்னோவில் நடந்தது. இது தமிழில் ஹிட்டான படம்.
நம்பிக்கை அதிகம்
இந்தப் படத்தின் கதை எல்லா மொழிக்குமானது. இன்றைய காலகட்டத்தில் யார் வேண்டுமானாலும் இந்தக் கதையை தொடர்புபடுத்திப் பார்க்க முடியும். உலகில் எந்த பகுதியிலும் இந்தப் படத்தை உருவாக்கலாம். இந்தி ரசிகர்களும் இந்தப் படத்தை வரவேற்பார்கள் என நம்புகிறேன். நான் நடிக்கும் ஒவ்வொரு படத்திலும் இந்த விஷயத்தை கவனிக்கிறேன்.
இயக்குனர் சுசி கணேசன்
என் மீது நான் வைத்துள்ளதை விட, என் மீது இயக்குனர்கள் வைத்துள்ள நம்பிக்கை அதிகமாக இருக்கிறது. இந்த விஷயத்தில் நான் ஆசிர்வதிக்கப்பட்டவளாக இருக்கிறேன். இயக்குனர் சுசி கணேசனும் என் மீது அதுபோன்ற நம்பிக்கை வைத்தே நடிக்க வைத்துள்ளார். இவ்வாறு நடிகை ஊர்வசி ரவ்தெலா கூறியுள்ளார்.
ஷார்ட்கட் ரோமியோ
இவர், சிங் சாப் த கிரேட்' என்ற இந்திப் படம் மூலம் நடிகையாக அறிமுகமானவர். அடுத்து, ஷனம் ரே, கிரேட் கிராண்ட் மஸ்தி, காபில் ஹேட் ஸ்டோரி 4, பகல்பந்தி உட்பட சில படங்களில் நடித்துள்ளார். 'திருட்டுப் பயலே' படத்தை, ஷார்ட்கட் ரோமியோ என்ற பெயரில் இந்தியில் தயாரித்து, ரீமேக் செய்திருந்தார் சுசி கணேசன். இதில் பிரபல இந்தி நடிகை அமிஷா படேல், நீல் நிதின் முகேஷ் நடித்திருந்தனர்.