நானும் ‘தல’ ரசிகைதான்…. வழிக்கு வந்த வரலட்சுமி!

சரத்குமார் மகள்

பிரபல நடிகரும், எம்.எல்.ஏவுமான சரத்குமாரின் மகள் வரலட்சுமி. சிம்பு நடித்த போடா போடி படத்தில் அறிமுகமானார்.

விஷால் நட்பில்

வரலட்சுமிக்கும், விஷாலுக்கும் பிரிக்க முடியாத நட்பு இருப்பதாக கோலிவுட் வட்டாரங்களில் கிசுகிசுக்கின்றனர். விஷாலுடன் ‘மதகஜராஜா' படத்திலும் நடித்துள்ளார். ‘மதகஜராஜா' படம் பல்வேறு பிரச்சினைகளால் வெளிவர முடியாமல் கிடப்பில் போடப்பட்டுள்ளது.

பாண்டிய நாடு

விஷாலின் ‘பாண்டிய நாடு' படம் தீபாவளிக்கு வெளியாகி திரையரங்குகளில் ஓடிக்கொண்டிருக்கிறது. வரலட்சுமி தனது டுவிட்டர் பக்கத்தில் விஷாலுக்கு ஆதரவாக கருத்து தெரிவித்திருந்தார்.

வின்னர் விஷால்

விஷால், அஜீத், கார்த்தி ஆகியோரின் மூன்று படங்களையும் போட்டு, ‘இந்த தீபாவளிக்கு வின்னர் விஷால்' என்று கருத்து தெரிவித்திருந்தார்.

தல ரசிகர்கள்

இதைப் பார்த்த அஜீத் ரசிகர்கள் கடுப்பாகி வரலட்சுமியின் கருத்துக்கு எதிர்ப்பு தெரிவிக்கும் விதமாக அவரை தாறுமாறாக திட்டி கருத்து வெளியிட்டிருந்தனர்.

வரலட்சுமி மன்னிப்பு

இதைக் கண்ட வரலட்சுமி, எதற்கு வம்பு என்று தான் வெளியிட்டிருந்த கருத்தை நீக்கிவிட்டு அதற்கு மாற்றாக அஜீத் ரசிகர்களிடம் மன்னிப்பு கேட்டுள்ளார்.

தல ரசிகைதான்...

"நானும் ‘தல' ரசிகைதான். ‘தல‘ ரசிகர்கள் என்னை மன்னிக்க வேண்டும்" இந்த போட்டோவை யாரோ ஒருவர் எனக்கு அனுப்பியிருந்தார். அதை நானும் அப்படியே போட்டுவிட்டேன்.. என்று குறிப்பிட்டிருந்தார். இதன்பிறகே அஜீத் ரசிகர்கள் அமைதியாகியுள்ளனர்.