சிம்புவுக்கு முத்தம், விஷாலை கொல்லணும், அம்மாவின் சீமந்த சேலை: இது வரலட்சுமி வேலை

வரலட்சுமி

விருது விழாவுக்கு வரலட்சுமி பட்டுப்புடவை அணிந்து வந்தார். அவரின் அம்மாவின் சீமந்த சேலையாம் அது. வரலட்சுமி வயிற்றில் இருந்தபோது அவர் அம்மா அணிந்த சேலை அது. வில்லிக்கான விருதை தனது அம்மாவுக்கு சமர்பிப்பதாக வரலட்சுமி தெரிவித்துள்ளார்.

பெருமை

மகள் வரலட்சுமிக்கு சிறந்த வில்லிக்கான விருது கிடைத்துள்ளதை பார்த்து அப்பா சரத்குமார் மகிழ்ச்சி அடைந்துள்ளார். மேலும் மேலும் விருதுகள் வாங்கிக் குவிக்க வேண்டும் என்று அவர் தனது செல்ல மகளை வாழ்த்தியுள்ளார்.

விஷால்

ஒருவருக்கு முத்தம் கொடுக்க வேண்டும், ஒருவரை கொலை செய்ய வேண்டும், ஒருவரை திருமணம் செய்ய வேண்டும் என்றால் என்ன செய்வீர்கள் என்று விருது விழாவில் வரலட்சுமியிடம் கேட்கப்பட்டது. அதற்கு அவர் சிம்புவுக்கு முத்தம் கொடுப்பேன், விஷாலை கொலை செய்வேன், யாராவது ஒருவரை திருமணம் செய்வேன் என்றார்.

காதல்

விஷாலும், வரலட்சுமியும் காதலிப்பதாக பல காலமாக பேசப்படுகிறது. அதனால் அவரை தான் திருமணம் செய்வேன் என்று கூறுவார் என எதிர்பார்த்தால் விஷாலை கொலை செய்வேன் என்று தெரிவித்துள்ளார்.