Click it and Unblock the Notifications
என்னது திரிஷாவை திருமணம் செய்யவிருந்தவர் இந்த நடிகையை காதலிக்கிறாரா?.. சூடுபிடித்த விவகாரம்
சென்னை: நடிகை திரிஷா கோலிவுட்டின் முன்னணி நடிகையாக வலம்வந்துகொண்டிருக்கிறார். அவரது நடிப்பில் கடைசியாக லியோ திரைப்படம் வெளியானது. படத்தில் விஜய்க்கு லிப் லாக் எல்லாம் செய்திருந்தார் திரிஷா. தொடர்ந்து இப்போது அவர் அஜித்துடன் விடாமுயற்சி, சிரஞ்சீவியுடன் விஸ்வம்பரா உள்ளிட்ட படங்களில் நடித்துவருகிறார். 40 வயதாகும் திரிஷாவுக்கு இன்னும் திருமணம் நடக்கவில்லை என்பது குறிப்பிடத்தக்கது. இந்தச் சூழலில் திரிஷாவை திருமணம் செய்யவிருந்த வருண் பற்றிய ஒரு தகவல் சமூக வலைதளங்களில் சூடுபிடிக்க தொடங்கியுள்ளது.
ஒரு நடிகை சினிமாவில் 10 வருடங்கள் தொடர்ந்து டாப் 5 இடங்களுக்குள் இருப்பது பெரிய விஷயம். ஆனால் திரிஷாவோ ஏறத்தாழ 20 வருடங்களுக்கும் மேலாக டாப் பொசிஷனிலேயே இருக்கிறார். லேசா லேசா படத்தில் நடிக்க முதலில் கமிட்டாகி பின்னர் மெளனம் பேசியதே படத்தின் மூலம் அறிமுகமானார் அவர். முதல் படத்திலேயே அவரது நடிப்பு, அழகும் ரசிகர்களையும் கோலிவுட் இயக்குநர்களையும் அவர் பக்கம் திருப்பியது. அதன் காரணமாக வரிசையாக அவருக்கு திரைப்பட வாய்ப்புகள் கிடைத்தன.
தொடர்ந்து டாப் ஹீரோயின்: அதன்படி ரஜினிகாந்த், கமல் ஹாசன், விஜய், அஜித், விக்ரம், சூர்யா, சிம்பு, தனுஷ், ஜெயம் ரவி என கிட்டத்தட்ட அனைத்து நடிகர்களுடனும் தமிழில் ஜோடி போட்டுவிட்டார் திரிஷா. முக்கியமாக விஜய்யுடன் அவர் நடித்த கில்லி, விக்ரமுடன் அவர் நடித்த சாமி உள்ளிட்ட திரைப்படங்கள் சக்கைப்போடு போட்டன. இதனால் குறுகிய காலத்திலேயே நம்பர் ஒன் இடத்தை பிடித்தார் அவர். தமிழ் தவிர்த்து தெலுங்கிலும் டாப் ஹீரோக்களுடன் ஜோடி போட்டார்.
சின்ன சறுக்கல்: தொடர்ந்து முன்னணி நடிகையாக வலம் வந்துகொண்டிருந்தவருக்கு இடையில் சின்ன சறுக்கல் ஏற்பட்டது. இருந்தாலும் சில படங்களில் நடித்துக்கொண்டுதான் இருந்தார். அப்படிப்பட்ட சூழலில்தான் 96 திரைப்படம் வெளியானது. படம் சூப்பர் ஹிட்டாக திரிஷா ஜானுவாக கொண்டாடப்பட்டார். அந்தப் படத்தின் ஹிட்டுக்கு பிறகு மீண்டும் லைம் லைட்டுக்கு வந்த திரிஷா பொன்னியின் செல்வன் 2 பாகங்கள், லியோ, ராங்கி என வரிசையாக படங்களில் நடித்து மீண்டும் பிஸியாகிவிட்டார்.
அடுத்தடுத்த படங்கள்: தற்போது அவர் கைவசம் விடாமுயற்சி, தக் லைஃப், விஸ்வம்பரா, கௌரவ் நாராயணன் இயக்கத்தில் ஒரு படம் என வரிசையாக படங்கள் இருக்கின்றன. மேலும் ஹிந்தியிலும் ரீ என்ட்ரி கொடுக்கவிருக்கிறார் என்றும்; அதில் சல்மான் கான் ஹீரோ என்றும் ஒரு தகவல் ஓடிக்கொண்டிருக்கிறது. நயனும் இப்போது படங்களில் நடிப்பதை குறைத்திருப்பதால் திரிஷா காட்டில் அடைமழை என்று திரைத்துறையை சேர்ந்தவர்கள் கூறிக்கொண்டிருக்கிறார்கள்.
நோ திருமணம்: திரிஷாவுக்கு இப்போது 40 வயது ஆகிறது. ஆனால் திருமணம் செய்துகொள்ளவில்லை. வருண் என்பவருடன் நிச்சயதார்த்தம் நடந்தது. ஆனால் சில காரணங்களால் அவர்களது திருமணம் நடக்கவில்லை. அதற்கு காரணம் திருமணத்துக்கு பிறகு திரிஷா நடிக்கக்கூடாது என்று கண்டிஷன் போடப்பட்டதுதான் என்கிறார்கள் ஒருதரப்பினர்.
பிந்து மாதவியுடன் காதல்: இந்நிலையில் திரிஷாவை திருமணம் செய்யவிருந்த வருண் மணியன் குறித்து புதிய தகவல் ஒன்று வெளியாகியிருக்கிறது. அதாவது அவர் திரிஷாவுடனான பிரிவுக்கு பிறகு நடிகை பிந்து மாதவியை காதலித்துவந்ததாகவும்; அவர்கள் இரண்டு பேரும் டேட்டிங் சென்றதாகவும் கூறப்படுகிறது. அதுமட்டுமின்றி, வருண் மணியனுடன் தான் டேட்டிங் சென்றது உண்மைதான்; ஆனால் அது திரிஷாவின் நிச்சயதார்த்தம் நின்ற பிறகுதான் என்று சில காலத்துக்கு முன்பு பிந்து மாதவியே ஒரு பேட்டியில் சொல்லியதாகவும் ஒரு தகவல் வெளியாகியிருக்கிறது. இதுபற்றிய பேச்சு தான் இப்போது சமூக வலைதளங்களில் அதிகரித்திருக்கிறது.
Continue with Google