'ஹோமோ'வுக்கு 'ஓ' போடும் வீணா மாலிக்!

Heroines

oi-Shameena

By Siva

| Published: Friday, June 8, 2012, 13:07 [IST]

ஓரிணச்சேர்க்கைக்கு பாலிவுட் நடிகை வீணா மாலிக் ஆதரவு தெரிவி்த்துள்ளார்.

வீணா மாலிக் பெயரைச் சொன்னதும் அவர் நடித்த படங்களை விட அவர் சம்பந்தப்பட்ட சர்ச்சைகள் தான் மக்களுக்கு நினைவுக்கு வரும். அப்படி சர்ச்சைக்கு பெயர் போனவராக உள்ளார்.

இந்நிலையில் ஓரிணச்சேர்க்கை திருமணத்திற்கு ஆதரவளித்துள்ளார். ஏற்கனவே ஓரிணச்சேர்க்கைக்கு பாலிவுட் நடிகை செலினா ஜேட்லி ஆதரவு தெரிவித்திருந்தார் என்பது குறிப்பிடத்தக்கது.

இது குறித்து வீணா கூறுகையில்,

ஓரிணச்சேர்க்கையில் விருப்பமுள்ள ஆண்கள், பெண்கள், திருநங்கைகள் திருமணத்தை வெளிப்படையாகவே ஆதரிக்கிறேன். இதை சொல்ல நான் வெட்கப்படவில்லை. அமெரிக்க அதிபர் பாரக் ஒபாமாவும், ஹாலிவுட் நட்சத்திரங்களும் ஓரிணச்சேர்க்கை திருமணத்தை ஆதரிக்கும்போது ஒவ்வொரு நாட்டு குடுமகனும் இதை ஏன் ஆதரிக்கக் கூடாது.

தனக்கு பிடித்தவாறு வாழ ஒவ்வொருவருக்கும் உரிமை உண்டு. அதில் தலையிட யாருக்கும் உரிமை இல்லை என்றார்.

ஓரிணச்சேர்க்கை பற்றி பேசுவதே பாவம் என்றிருந்த நிலை மாறி தற்போது அதற்கு மக்கள் ஆதரவு தெரிவிக்கும் அளவுக்கு வந்துள்ளது என்பது குறிப்பிடத்தக்கது.