Click it and Unblock the Notifications
’வசீகரா’ காயத்ரி ஜெயராமனை ஞாபகமிருக்கா.. 41 வயதில் ஆழ் கடலில் வேறலெவல் சாகசம்.. செம வீடியோ!
சென்னை: ஷாருக்கான், அஜித் குமார் நடித்த அசோகா படத்தில் ஸ்பெஷல் டான்ஸ் ஆடி 2001ம் ஆண்டு சினிமாவில் அறிமுகம் ஆன அதே ஆண்டிலேயே தமிழ் சினிமாவில் பிரபுதேவாவின் மனதை திருடிவிட்டாய் படத்தின் மூலமும் அறிமுகமாகி ரசிகர்களை வசீகரித்தவர் தான் நடிகை காயத்ரி ஜெயராமன்.
சூர்யாவுடன் ஸ்ரீ, ஸ்ரீகாந்த் உடன் ஏப்ரல் மாதத்தில், விஜய்யுடன் வசீகரா உள்ளிட்ட தமிழ் படங்களில் நடித்த காயத்ரி ஜெயராமன் அதன் பின்னர் தமிழ் சினிமாவில் பெரிதாக நடிக்கவே இல்லை.
41 வயதாகும் காயத்ரி ஜெயராமன் தற்போது ஆழ்கடலில் இருக்கும் சிதைந்து போன கப்பல் ஒன்றை அண்டர் வாட்டர் ஸ்கூபா டைவிங் செய்து காணும் வீடியோவை ஷேர் செய்து வைரலாக்கியுள்ளார்.
காயத்ரி ஜெயராமனை ஞாபகமிருக்கா?: ஒரு காலத்தில் யாரு காயத்ரி ரகுராம், யாரு காயத்ரி ஜெயராம் என்கிற கன்ஃபியூஷனே இருக்கும். ரகுராம் மாஸ்டர் மகள் காயத்ரி ரகுராம் விசில் படத்தில் நடித்து பிரபலமானார். காயத்ரி ஜெயராமன் மனதை திருடிவிட்டாய் படத்தில் நடித்து ரசிகர்களின் மனங்களை கொள்ளையடித்தார்.
விஜய்யுடன் வசீகரா: விஜய், சினேகா நடித்த வசீகரா படத்தில் 2வது ஹீரோயின் போலவே நடித்த காயத்ரி ஜெயராமன் அதன் பின்னர் தமிழ் படங்களில் நடிக்கவில்லை. 2003ல் வசீகரா வந்த பிறகு மலையாளம், கன்னடா மற்றும் தெலுங்கு மொழிகளில் 2006 வரை நடித்தார். அதன் பின்னர் சமீத் சாவ்னி என்பவரை 2007ம் ஆண்டு திருமணம் செய்துக் கொண்டு சினிமாவில் இருந்து விலகிவிட்டார். சின்னத்திரை தொடர்களில் சில காலம் நடித்து வந்தார். கடைசியாக விஜய் சேதுபதி, க்ரித்தி ஷெட்டி நடித்த உப்பென்னா படத்தில் தலை காட்டினார்.
ஆழ்கடலில் அசத்தல்: அந்தமானில் பயிற்சி பெற்ற ஸ்கூபா டிரைனராக தற்போது தனது அடுத்தக்கட்ட வாழ்க்கையை ஆழ்கடலில் சாகசங்களை செய்து வாழ்ந்து வருகிறார். சமீபத்தில் கடலுக்கு அடியில் சிதிலமடைந்த நிலையில் இருக்கும் கப்பல் ஒன்றை நீந்திச் சென்று பார்த்த வீடியோவையும், மேலும், சில ஸ்கூபா டைவிங் போட்டோஸ் மற்றும் வீடியோக்களையும் தனது இன்ஸ்டாகிராம் பக்கத்தில் ஷேர் செய்து வைரலாக்கி உள்ளார். நடிகை சதா போட்டோகிராஃபராக மாறியதை போல காயத்ரி ஜெயராமன் ஸ்கூபா ஸ்பெஷலிஸ்ட்டாக மாறியுள்ளார்.
Continue with Google